អង់គ្លេស ផ្តល់អាហារូបករណ៍ស្រ្តី ក្នុងវិស័យ STEM ឆ្នាំ២០២៥ ដល់ស្រ្តី និងកុមារី ពីប្រទេសអាស៊ាន

ភ្នំពេញ៖ ស្ថានទូតអង់គ្លេសប្រចាំកម្ពុជា បានឲ្យដឹងថា អាហារូបករណ៍ស្ត្រីនៅក្នុងវិស័យ STEM ឆ្នាំ២០២៥ ក្រោមកម្មវិធី អាស៊ាន-ចក្រភពអង់គ្លេស គាំទ្រដល់វឌ្ឍន ភាពនៃការអប់រំរបស់ក្មេងស្រី (ASEAN-UK SAGE) បើកទទួលពាក្យដើម្បីផ្ដល់សិទ្ធិអំណាចដល់ស្រ្តីដើម្បី ដឹកនាំក្នុងវិស័យ STEM។ ASEAN-UK SAGE គឺជាកម្មវិធីអប់រំដ៏ល្បីរបស់ចក្រភពអង់គ្លេសនៅក្នុងតំបន់អាស៊ីអាគ្នេយ៍ ដែលគាំទ្រដល់ក្មេងស្រី និងសហគមន៍ដែលខ្វះខាតក្នុងការទទួលបានការអប់រំ និងកែលម្អការរៀនសូត្រជាមូលដ្ឋាន។

ក្នុងទិវាអន្តរជាតិនៃស្ត្រី និងកុមារីផ្នែកវិទ្យាសាស្ត្រ ចក្រភពអង់គ្លេស សហការជាមួយលេខាធិការដ្ឋានអាស៊ាន បានបើក ទទួលពាក្យកម្មវិធីអាហារូបករណ៍ស្ត្រីនៅក្នុងវិស័យ STEM ឆ្នាំទី២ ក្រោមកម្មវិធី អាស៊ាន-ចក្រភពអង់គ្លេស គាំទ្រដល់ វឌ្ឍនភាពនៃការអប់រំរបស់ក្មេងស្រី (ASEAN-UK SAGE)។ គំនិតផ្តួចផ្តើមនេះបញ្ជាក់ពីការប្តេជ្ញាចិត្តរបស់ចក្រភព អង់គ្លេសក្នុងការផ្ដល់អំណាចដល់ស្រ្តីនៅអាស៊ីអាគ្នេយ៍ និងទីម័រខាងកើត ដើម្បីជំនះឧបសគ្គក្នុងវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ដែលអនុញ្ញាតឱ្យស្ត្រីកាន់តែច្រើនក្នុងការដឹកនាំក្នុងវិស័យទាំងនេះ។

កម្មវិធីអាហារូបករណ៍ដែលទទួលបានមូលនិធិពេញលេញនេះផ្តល់ជូនស្រ្តីពិសេសចំនួន ១១ នាក់មកពីប្រទេសសមាជិកអាស៊ានចំនួន ១០ (AMS) និងទីម័រខាងកើតនូវឱកាសដើម្បីបន្តការសិក្សាថ្នាក់អនុបណ្ឌិតនៅសាកលវិទ្យាល័យឈានមុខគ ចំនួនពីររបស់ចក្រភពអង់គ្លេស៖ សាកលវិទ្យាល័យ Warwick និងសាកលវិទ្យាល័យ Manchester ។ នៅក្នុងបណ្តាប្រទេសសមាជិកអាស៊ាន មានរូបភាពចម្រុះនៃសមភាពយេនឌ័រក្នុងការទទួលបាន និងការអនុវត្តក្នុងមុខវិជ្ជ STEM ។

ទោះបីជាក្មេងប្រុសពូកែខាងគណិតវិទ្យា និងវិទ្យាសាស្ត្រក្នុងការអប់រំបឋមសិក្សា និងមធ្យមសិក្សាក៏ដោយ ប៉ុន្ត ស្ត្រីនៅតែមានតំណាងតិចតួចនៅក្នុងវិស័យ STEM ក្នុងការអប់រំកម្រិតឧត្តមសម្រាប់ស្ត្រីតែ ១៩.៣% បើប្រៀបធៀបទៅ នឹងបុរស ៣៩.៨% ទទួលបានសញ្ញាបត្រផ្នែក STEM ។ និស្សិតថ្នាក់បណ្ឌិតស្ត្រីគឺនៅមានចំនួនតិចតួច។ យោងតាមអង្គ ការយូណេស្កូ ស្រ្តីមានចំនួនតិចតួចក្នុងចំណោមអ្នកស្រាវជ្រាវរបស់ពិភពលោក។ ក្នុងឆ្នាំ ២០១៩ អ្នកស្រាវជ្រាវតិចជាង ៣០% នៅទូទាំងពិភពលោកគឺជាស្ត្រី ហើយមានតែ ៣០% នៃនិស្សិតស្រីប៉ុណ្ណោះដែលជ្រើសរើសមុខជំនាញដែលទាក់ទង នឹង STEM នៅក្នុងឧត្តមសិក្សា។ ដោយឡែកសម្រាប់អាស៊ីបូព៌ា និងប៉ាស៊ីហ្វិក អ្នកស្រាវជ្រាវស្ត្រីមានចំនួនតែ ២៥% ប៉ុណ្ណោះ។

ភាពខុសគ្នានេះបន្តចូលទៅក្នុងវិស័យការងារ ដោយរបាយការណ៍វឌ្ឍនភាពរបស់អង្គការសហប្រជាជាតិឆ្នាំ ២០២២ ស្តីពី គោលដៅអភិវឌ្ឍន៍ប្រកបដោយនិរន្តរភាព (SDG) ៥ សមភាពយេនឌ័រ បង្ហាញថាមានតែ ២០% នៃការងារនៅក្នុងវិស័យSTEM ត្រូវបានកាន់កាប់ដោយស្រ្តីទូទាំងពិភពលោក ហើយមានតែស្ត្រី ១៦.៥% ប៉ុណ្ណោះដែលជាអ្នកបង្កើតដែលត្រូវបាន ផ្សារភ្ជាប់ជាមួយនឹងប៉ាតង់។

កម្មវិធី ASEAN-UK SAGE ដោះស្រាយបញ្ហារនាំងយេនឌ័រចំពោះជំនាញឌីជីថលជាមូលដ្ឋានសម្រាប់ការងារ ក្នុងគោល បំណងគាំទ្រដល់ការអភិវឌ្ឍន៍ជំនាញឌីជីថលជាមូលដ្ឋានសម្រាប់ក្រុមដែលខ្វះខាត ដើម្បីបង្កើនឱកាសការងារ និងគុណភាព ជីវិត ដែលជួយបង្រួមគម្លាតនៃការអភិវឌ្ឍន៍ក្នុងតំបន់អាស៊ាន។ ASEAN-UK SAGE Women in STEM Scholarships គាំទ្រដល់គោលដៅនេះដោយផ្តល់ជំនួយផ្នែកហិរញ្ញវត្ថុដល់ស្ត្រីដែលជួបការលំបាកមកពីបណ្តាប្រទេសអា ស៊ាន និងទីម័រខាងកើត ដើម្បីទទួលបាននូវការអប់រំនៅចក្រភពអង់គ្លេសក្នុងវិស័យសំខាន់ៗទាក់ទងនឹង STEM ។

នៅឆ្នាំ 2024 ជាឆ្នាំដំបូងនៃអាហារូបករណ៍ ASEAN-UK SAGE ស្រ្តី ១២ នាក់មកពីប្រទេសចំនួន ៩ (កម្ពុជា ឥណ្ឌូ នេស៊ី ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ វៀតណាម និងទីម័រខាងកើត) បានទៅចក្រភពអង់គ្លេសដើម្បីសិក្សាមុខវិជ្ជា STEM ជាច្រើនមានចាប់ពី Environmental Data Science and Machine Learning រហូតដល់ Engineering Business Management នៅកម្រិតអនុបណ្ឌិតនៅ Imperial College London និង University of Warwick ។ ពួកគេនឹងត្រលប់មកផ្ទះវិញបន្ទាប់ពីបញ្ចប់ឆ្នាំសិក្សានៅចក្រភពអង់គ្លេស៕