មជ្ឈមណ្ឌលកម្ពុជា 4.0 និង សសយក ផ្តល់ «វគ្គបណ្តុះបណ្ដាលអក្ខរកម្មឌីជីថល» ដោយឥតគិតថ្លៃ

ភ្នំពេញ៖ «វគ្គបណ្តុះបណ្ដាលអក្ខរកម្មឌីជីថល» នេះនឹងរៀបចំឡើងនៅទីតាំងផ្ទាល់ នៅថ្ងៃទី១៥,១៦ និង២២,២៣ ខែកុម្ភៈ ឆ្នាំ២០២៥ នៅ សាកលវិទ្យាល័យ ប៊ែលធី អន្តរជាតិ សាខាទី១ ដែលស្ថិតនៅម្តុម ទួលស្លែង, ផ្លូវ ៣៦០ ។

បើតាមគេហទំព័រ មជ្ឈមណ្ឌលកម្ពុជា 4.0 បានឱ្យដឹងថា វគ្គបណ្តុះបណ្តាលនេះ នឹង សិក្សាដោយផ្ទាល់ នៅថ្ងៃទី១៥,១៦ និង២២,២៣ ខែកុម្ភៈ ឆ្នាំ២០២៥ ដែលសិស្សានុសិស្សអាចចុះឈ្មោះតាមតំណភ្ជាប់ https://shorturl.at/jgPtF ដោយគ្រាន់តែបំពេញព័ត៌មានផ្ទាល់ខ្លួនជាការស្រេច។ ក្នុងករណីមានចម្ងល់ សូមទាក់ទងទៅកាន់លេខទូរស័ព្ទ 081 739 986 ឬ អ៊ីមែល [email protected] ។

វគ្គសិក្សាខ្លីស្តីពី “វគ្គបណ្ដុះបណ្ដាលអក្ខរកម្មឌីជីថល” សិក្សាដោយឥតគិតថ្លៃ សម្រាប់សាធារណជនទូទៅ សិក្សារយៈពេល ១៩ម៉ោង នៅទីតាំងផ្ទាល់ សាកលវិទ្យាល័យ ប៊ែលធី អន្តរជាតិសាខាទី១ ទួលស្លែង។ “វគ្គបណ្ដុះបណ្ដាលអក្ខរកម្មឌីជីថល” នឹងសិក្សាលើមុខវិជ្ជាដូចជា ការប្រមូលទិន្នន័យ ការចងក្រងទិន្នន័យ កំណត់ការចែករំលែក និងការអនុញ្ញាតឱ្យចូលប្រើប្រាស់ទិន្នន័យ ការរក្សាទុកទិន្នន័យ ប្រព័ន្ធគ្រប់គ្រងឯកសារ ការគ្រប់គ្រង និងរៀបចំទិន្នន័យ ឧបករណ៍ប្រើប្រាស់សម្រាប់ការវិភាគទិន្នន័យ ការវិភាគដោយប្រើម៉ូឌែល។

គួរបញ្ជាក់ផងដែរថា មជ្ឈមណ្ឌលកម្ពុជា ៤.០ ត្រូវបានបង្កើតឡើងក្នុងបុព្វហេតុចូលរួមជាមួយរាជរដ្ឋាភិបាល និងភាគីពាក់ព័ន្ធ ក្នុងការជំរុញឌីជីថលូបនីយកម្ម និងការកសាងសេដ្ឋកិច្ចឌីជីថលនៅកម្ពុជា៕