.png?1741682398)
ភ្នំពេញ៖ ក្រសួងអប់រំ នាពេលព្រឹកថ្ងៃទី ០៣ កុម្ភៈ ២០២៥ ប្រកាសរៀបចំការប្រឡង«ជ្រើសរើសសិស្សពូកែទូទាំងប្រទេស»ឡើងវិញ ក្រោយទទួលរងប្រតិកម្មពីមហាជនបន្ទាប់ពីការប្រកាសផ្អាកការប្រឡងកាលពីថ្ងៃទី ២៧ មករា កន្លងផុតទៅ។
បើតាមគេហទំព័រនៃក្រសួងអប់រំ នាពេលព្រឹក ថ្ងៃទី ០៣ កុម្ភៈ ឆ្នាំ២០២៥ បានឱ្យដឹងថា ក្រសួងអប់រំនឹងបន្តការរៀបចំការប្រឡងជ្រើសរើសសិស្សពូកែទូទាំងប្រទេស សម្រាប់ឆ្នាំសិក្សា ២០២៤-២០២៥ លើមុខវិជ្ជាទាំង៣គឺ អក្សរសិល្ប៍ខ្មែរ គណិតវិទ្យា និងរូបវិទ្យា ថ្នាក់ទី៩ និងថ្នាក់ទី១២ ដោយរៀបចំដូចលំនាំនៃការប្រឡងនៅឆ្នាំសិក្សា ២០២៣-២០២៤។
គួរបញ្ជាក់ផងដែរថា កាលពីថ្ងៃទី ២៧ មករា កន្លងផុតទៅ ក្រសួងអប់រំ បានចេញសេចក្តីជូនដំណឹងពីការផ្អាកប្រឡង សិស្សពូកែថ្នាក៉ជាតិ ដែលបានធ្វើឱ្យសាធារណជនជាច្រើនបានបង្ហាញការសោកស្តាយ ព្រមទាំងការបង្ហាញអារម្មណ៍សោកសៅនៃសិស្សានុសិស្សដែលបានត្រៀមប្រឡងជាយូរឆ្នាំណាស់មកហើយលើបណ្តាញសង្គមផងដែរ៕
.png?1744178821)
