ភ្នំពេញ៖ ការប្រកួត កីឡាហែលទឹកដណ្តើមពានរង្វាន់ ឯកឧត្តម ហង់ជួន ណារ៉ុន មានរង្វាន់ជាទឹកប្រាក់សរុបជាង ៧ លានរៀល សម្រាប់អ្នកមានអាយុ១៨ឆ្នាំឡើងទៅ។
បើតាមគេហទំព័រនៃក្រសួងអប់រំ បានឱ្យដឹងថា ការប្រកួតកីឡាហែលទឹកដណ្តើមពានរង្វាន់ បើកទទួលការចុះឈ្មោះដោយសេរី ដែលបែងចែកជា២ ក្រុម គឺ ក្រុម ១ មានអាយុចន្លោះ ១៨ ទៅ ៣៥ ឆ្នាំ ហើយចំណែកក្រុមទី២ មានអាយុចាប់ពី ៣៦ ឆ្នាំឡើង។ ការចុះឈ្មោះបើកទទួលរហូតដល់ថ្ងៃទី ០៣ មករា ២០២៥ វេលាម៉ោង ៦ ល្ងាច។
ការប្រកួតនឹងប្រព្រឹត្តទៅនៅថ្ងៃទី ៥ មករា ២០២៥ នៅទីតាំងសាលារៀនម៉ារីវែលអន្តរជាតិភ្នំពេញ។ ប្រសិនបើមានចម្ងល់ សូមទាក់ទងទៅកាន់លេខ 012951095 ឬ 098951095។
គួរបញ្ជាក់ផងដែរថា ការប្រកួត «កីឡាហែលទឹកដណ្តើមពានរង្វាន់» ដើម្បីអបអរសាទរ ទិវាជ័យជំនះ ៧ មករា ដែលមានរង្វាន់ជាទឹកប្រាក់សរុបជាង ៧ លានរៀល៕
.png?1735469295)
