ភ្នំពេញ៖ កម្មវិធីពិព័រណ៍យន្តហោះ និងបច្ចេកវិទ្យា លើកទី៤ នៅថ្ងៃទី១៣ធ្នូនេះ បានចាប់ផ្តើមដំណើរការបើកឲ្យសាធារណជនអាចចូលរួមទស្សនា បានដោយសេរី រហូតដល់ថ្ងៃទី១៥ ខែធ្នូ ឆ្នាំ២០២៤ នៅមូលដ្ឋានទ័ពអាកាសពោធិ៍ចិនតុង។ ព្រឹត្តិការណ៍នេះ ក៏មានរៀបចំដាក់តាំងបង្ហាញប្រភេទយន្តហោះពិសេសៗ ជាច្រើនគ្រឿង មានទាំងយន្តហោះក្នុងប្រទេស និងមកពីក្រៅប្រទេសផងដែរ។
កម្មវិធីពិព័រណ៍យន្តហោះ និងបច្ចេកវិទ្យាលើកទី៤ ប្រារព្ធឡើងនៅថ្ងៃទី ១៣ ១៤ ១៥ ខែធ្នូ ឆ្នាំ២០២៤ នៅមូលដ្ឋានទ័ពអាកាសពោធិ៍ចិនតុង ដោយសាធារណជនអាចចូលរួមទស្សនា បានដោយសេរី។ ព្រឹត្តិការណ៍នេះ នឹងរៀបចំដាក់តាំងបង្ហាញប្រភេទយន្តហោះពិសេសៗ ជាច្រើនគ្រឿង មានទាំងយន្តហោះក្នុងប្រទេស និងមកពីក្រៅប្រទេសផងដែរ។
លើសពីនេះ ក្រៅពីការតាំងបង្ហាញប្រភេទយន្តហោះផ្សេងៗ ក៏មានការប្រកួតនូវស្នាដៃបច្ចេកវិទ្យាប្លែកៗ ប្រកបដោយភាពច្នៃប្រឌិតរបស់សិស្សានុសិស្ស និងនិស្សិតមកពីបណ្តាមជ្ឈដ្ឋាននានា ក្នុងរាជធានីភ្នំពេញ ដែលមានការប្រកួតប្រជែងលើវិញ្ញាសា ៤ ប្រភេទធំៗ ដូចជា ការប្រកួតមនុស្សយន្ត ការប្រកួតយន្តហោះបញ្ជា ការប្រកួតរ៉ូបូតចម្បាំង និងការប្រកួតប្រណាំងដូ្រន។
អ្វីដែលកាន់តែពិសេសក្នុងព្រឹត្តិការណ៍នេះ ក៏មានស្តង់ជាច្រើន ដែលតាំងបង្ហាញឧបករណ៍ បច្ចេកវិទ្យា ស្នាដៃរបស់កូនខ្មែរ និងការអញ្ជើញចូលរួមធ្វើបទបង្ហាញចែករំលែកចំណេះដឹងផ្សេងៗ ពីសំណាក់វាគ្មិន ក្នុងវិស័យអាកាសចរណ៍ និងបច្ចេកវិទ្យា នៅក្នុងប្រទេសកម្ពុជាផងដែរ។
គួរបញ្ជាក់ថា កម្មវិធីពិព័រណ៍យន្តហោះ និងបច្ចេកវិទ្យា ២០២៤ ប្រារព្ធឡើងនៅថ្ងៃទី ១៣ ១៤ ១៥ ខែធ្នូ ឆ្នាំ២០២៤ នៅមូលដ្ឋានទ័ពអាកាសពោធិ៍ចិនតុង ដើម្បីលើកទឹកចិត្តកូនខ្មែរ ដែលមានទេពកោសល្យ ក្នុងវិស័យអាកាសចរណ៍ និងបច្ចេកវិទ្យា។ ព្រឹត្តិការណ៍នេះ ធ្លាប់បានរៀបចំចំនួន ៣ លើករួចមកហើយ ចាប់ពីឆ្នាំ ២០១៨ ២០១៩ និងឆ្នាំ២០២១ ដោយទទួលបានការគាំទ្រជាខ្លាំងពីសំណាក់មហាជន និងសិស្សានុសិស្សទូទាំងប្រទេស៕
