«ពិព័រណ៍យន្តហោះ និងបច្ចេកវិទ្យា»នឹងប្រព្រឹត្តទៅរយ:ពេល៣ថ្ងៃ ដោយឥតគិតថ្ងៃ

ភ្នំពេញ៖ កម្មវិធី ពិព័រណ៍យន្តហោះ និងបច្ចេកវិទ្យា២០២៤ ( Air & Tech Show 2024 ) លើកទី៤ នឹងប្រព្រឹត្តទៅនៅថ្ងៃទី១៣-១៤-១៥ ខែធ្នូ ឆ្នាំ២០២៤ ស្ថិតនៅមូលដ្ឋានទ័ពអាកាសពោធិចិនតុង ដែលនឹងបង្ហាញនូវការតាំងពិពរណ៍យន្តហោះ ការប្រគួតប្រជែង រួមទាំងបង្ហាញស្នាដៃប្រកួតបច្ចេកវិទ្យាប្លែកៗ និងការកម្សាន្តផងដែរ។

កម្មវិធី ពិព័រណ៍យន្តហោះ និងបច្ចេកវិទ្យា២០២៤ ( Air & Tech Show 2024 ) លើកទី៤ នឹងបង្ហាញនូវពិពរណ៍យន្តហោះជាច្រើន ដោយមានស្តង់បច្ចេកវិទ្យា និងវិទ្យាសាស្រ្ត សិក្ខាសាលា និងស្នាដៃប្រកួតបច្ចេកវិទ្យាប្លែកៗរបស់យុវជនសម័យថ្មី លើវិញ្ញាសាចំនួន ៤ រួមមាន ការប្រកួតមនុស្សយន្ត ការប្រកួតយន្តហោះបញ្ជា ការប្រកួតរ៉ូបូតចម្បាំង និងការប្រកួតប្រណាំងដ្រូន។ កម្មវិធីនេះ នឹងប្រព្រឹត្តទៅនៅថ្ងៃទី១៣-១៤-១៥ ខែធ្នូ ឆ្នាំ២០២៤ ស្ថិតនៅមូលដ្ឋានទ័ពអាកាសពោធិចិនតុង ចាប់ពីម៉ោង ៧:៣០-៥:៣០ ល្ងាច។

គួរបញ្ជាក់ថា កម្មវិធី ពិព័រណ៍យន្តហោះ និងបច្ចេកវិទ្យា បានរៀបចំ ៣លើករួចទៅហើយ កាលពីឆ្នាំ ២០១៨ ២០១៩ និង ២០២១ ដែលបានប្រមូលផ្តុំនូវអ្នកទស្សនាជាច្រើន និងទទួលបទពិសោធន៍អង្គុយសាកល្បងលើឧទ្ធម្ភាគចក្រផងដែរ។ ជាពិសេសទៅទៀត អ្នកចូលរួមក្នុងកម្មវិធីនេះ ក៏ទទួលបានឱកាសជិះឧទ្ធម្ភាគចក្រសាកល្បងកម្សាន្តទៀតផង។ បន្ថែមពីនេះ កម្មវិធីលើកទី៤នេះ នឹងនាំមកនូវចំនេះដឹង និងបទពិសោធន៍ថ្មីៗដល់សិស្សានុសិស្សដែលចាប់អារម្មណ៍ផ្នែកបច្ចេកវិទ្យា និងវិទ្យាសាស្រ្តផងដែរ៕