ភ្នំពេញ៖ «មហោស្រពសិល្បៈដំណើរខ្មែរ» នឹងប្រព្រឹត្តទៅរយៈពេល៣ថ្ងៃ ពិថ្ងៃទី១០-១២ ខែធ្នូ ឆ្នាំ២០២៤ ពីម៉ោង៩ព្រឹក ដល់ម៉ោង៩យប់ នាអគារខេមរានី ស.ស.យ.ក រាជធានីភ្នំពេញ។
បើតាមគេហទំព័រហ្វេសប៊ុកនៃ «មហោស្រពសិល្បៈដំណើរខ្មែរ » បានឱ្យដឹងថា មហោស្រពនឹងប្រព្រឹត្តទៅរយៈពេល៣ថ្ងៃ ពិថ្ងៃទី១០-១២ ខែធ្នូ ឆ្នាំ២០២៤ ពីម៉ោង៩ព្រឹក ដល់ម៉ោង៩យប់ នាអគារខេមរានី ស.ស.យ.ក រាជធានីភ្នំពេញ។
មហោស្រព នឹងមានការបញ្ចាំងខ្សែភាពយន្តខ្មែរទសវត្ស៦០ចំនួន៥រឿង , ការតាំងពិព័រណ៍សិល្បៈភាពយន្តខ្មែរ , ការប្រគំតន្រ្តី និងសម្តែងទស្សនីយភាពសិល្បៈចម្រៀងពីតារារៀមច្បង និងតារាជំនាន់ថ្មីជាច្រើនដួងផងដែរ។
កម្មវិធីនេះនឹងអនុញ្ញាតឱ្យសាធារណៈជនចូលរួមទស្សនាដោយសេរី អាស្រ័យហេតុនេះ សូមទាក់ទងយកសំបុត្រតាមតេឡេក្រាម 097 29 24 191 នៅមជ្ឈមណ្ឌលសិប្បកម្មវត្តភ្នំ ប្រសិនមានបំណងក្នុងការចូលរួម ។
ក្នុងនោះនឹងមានការចូលរួមដោយ អ្នកនាង ម៉េង កែវពេជ្ជតា , អ្នកនាង ជុំ រស្មី , កញ្ញា ស៊ឹម ថៃណា , លោក ម៉ៅ ហាជី , កញ្ញា លី អ៊ីវ៉ាធីណា , អ្នកនាង យុគ ថិរដ្ឋា , លោក ខៀវ សម្បត្តិឬទ្ធី , កញ្ញា ស៊ូ ស៊ីរីកា , អ្នកនាង ឆោម ចន្ទណេត , លោក ព្រហ្ម ប្រសិទ្ធី , កញ្ញា សាត សុវណ្ណារ៉ា , កញ្ញា សុវ៉ាឌី ធីរិកា , លោក ម៉ា ចន្ទបញ្ញា , ជាដើម។
គួរបញ្ជាក់ផងដែរថា កម្មវិធីនេះត្រូវបានរៀបចំឡើងជាលើកទី១ ដើម្បីលើកតម្កើងព្រលឹងសិល្បៈ និងភាពយន្តខ្មែរ ដែលត្រូវបានផ្តួចផ្តើមដោយ សសយករាជធានីភ្នំពេញ ៕
