ចិន៖ មន្ត្រីអ្នកនាំពាក្យឆ្មាំសមុទ្រចិន បានថ្លែងព្រមានចាត់វិធានការក្តៅប្រឆាំងនាវារបស់ហ្វីលីពីន ក្រោមហេតុផលថា បានប្រមូលផ្តុំដោយខុសច្បាប់ក្នុងដែនសមុទ្យរបស់ខ្លួន និង ប្រាប់ឱ្យប្រទេសហ្វីលីពីនបញ្ឈប់ជាបន្ទាន់នូវសកម្មភាពបង្កហេតុនេះ។នេះបើយោងតាមប្រសាសន៍ន្ត្រីអ្នកនាំពាក្យឆ្មាំសមុទ្រចិនចុះផ្សាយដោយសារព័ត៌មានរដ្ឋចិន CCTV។
ប្រព័ន្ធផ្សព្វផ្សាយរដ្ឋចិន បានរាយការណ៍ថា ការប្រមូលផ្តុំទូកនេសាទខុសច្បាប់របស់ហ្វីលីពីន រួមជាមួយនឹងអ្នកយកព័ត៌មានកំពុងថតរូប បង្ហាញយ៉ាងច្បាស់ថា ហ្វីលីពីន បានបង្ហាញពីចេតនាបង្កហេតុក្នុងសមុទ្យចិនខាងត្បូងដែលជាដែនអធិបតេយ្យភាពរបស់ចិន និង ជាទង្វើលរំលោភច្បាប់អន្តរជាតិ។
ប្រភពដដែល អះអាងទៀតថា ទូកនេសាទដែលក្រុមអ្នកសារព័ត៌មានចិនថតបាន មិនមែនជាទូកនេសាទក្នុងសមុទ្យជ្រៅនោះទេ គឺជាការសម្តែងបង្កជម្លោះជាមួយចិន។បន្ថែមពីនេះ នាវាឆ្មាំឆ្នេរសមុទ្រហ្វីលីពីន បានដឹកយកអ្នកយកព័ត៌មាន ក៏មានវត្តមាននៅកន្លែងកើតហេតុ ដើម្បីថតរូបទូកនេសាទ ផ្សព្វផ្សាយជាសាធារណៈ បង្ហាញយ៉ាងច្បាស់ថាសកម្មភាពរបស់ភាគីហ្វីលីពីនគឺជាទម្រង់នៃការបង្កហេតុដោយចេតនា។
អ្នកនាំពាក្យចិន អំពាវនាវឲ្យហ្វីលីពីនបញ្ឈប់សកម្មភាពញុះញង់របស់ខ្លួន បញ្ឈប់ការបំភ្លៃការពិត និង បញ្ឈប់ការចូលរួមក្នុងការឃោសនាបំភ្លៃ បើមិនបញ្ចប់ចិននឹងប្រើប្រាស់សិទ្ធិការពារខ្លួន ដើម្បីកម្តេចចោលនូនទូកនេសាទរបស់ប្រទេសហ្វីលីពីន ក្រោយហេតុផលបំពានអធិបតេយ្យភាពរបស់ខ្លួន៕
