រាជរដ្ឋាភិបាលសម្រេច«ដំឡើងប្រាក់ខែ»ដល់មន្រ្តីថ្នាក់ក្រោមជាតិ

ភ្នំពេញ៖ រាជរដ្ឋាភិបាលសម្រេចដំឡើងប្រាក់ខែ ដល់មន្ត្រីថ្នាក់ក្រោមជាតិ សម្រាប់ឆ្នាំ២០២៥ បន្ទាប់ពីសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥ ដែលរៀបចំឡើង ហើយត្រូវបានអនុម័តយល់ព្រមដោយរដ្ឋសភា។

យោងតាមគម្រោងថវិកាថ្នាក់ក្រោមជាតិ ឆ្នាំ២០២៥ រាជរដ្ឋាភិបាលកម្ពុជាបានសម្រេចដំឡើងប្រាក់ខែ បន្ទាប់ពីសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥ ដែលរៀបចំឡើងដោយក្រសួងសេដ្ឋកិច្ចនិងហិរញ្ញវត្ថុ ហើយត្រូវបានអនុម័តយល់ព្រមដោយរដ្ឋសភា ដែលនឹងដំឡើងប្រាក់ខែ ដល់មន្ត្រីថ្នាក់ក្រោមជាតិ សម្រាប់ឆ្នាំ២០២៥ ដើម្បីលើកទឹកចិត្តដល់មន្ត្រីថ្នាក់ក្រោមជាតិ ក្នុងការខិតខំប្រឹងប្រែងបំពេញការងារកន្លងមក និងបន្តទៅទៀត។

ការផ្តល់ជូនមន្រ្តីថ្នាក់ក្រោមជាតិនេះរួមមាន សម្រាប់ប្រធាន និងសមាជិកក្រុមប្រឹក្សារាជធានី-ខេត្ត បន្ថែមចំនួន ៣៥ ០០០ រៀល, ប្រធាន និងសមាជិកក្រុមប្រឹក្សាក្រុង-ស្រុក ខណ្ឌ បន្ថែមចំនួន ៣០ ០០០ រៀល, ប្រធាន ជំទប់ទី ១ ចៅសង្កាត់រងទី ១ ជំទប់ទី ២ ចៅសង្កាត់រងទី ២ និង សមាជិកក្រុមប្រឹក្សាឃុំ សង្កាត់ បន្ថែមចំនួន ២៥ ០០០ រៀល, មេភូមិ បន្ថែមចំនួន ២០ ០០០ រៀល, អនុប្រធានភូមិ និងសមាជិកភូមិ ដោយបន្ថែមចំនួន ១៥ ០០០ រៀល។

ក្រោយការដំឡើងនេះ ប្រធានក្រុមប្រឹក្សារាជធានី ខេត្ត ទទួលបានប្រាក់ឧបត្ថម្ភប្រចាំខែកើនឡើងដល់ ១ ៦៨៥ ០០០ រៀល, សមាជិកក្រុមប្រឹក្សារាជធានី ខេត្ត កើនឡើងដល់ ១ ២៨០ ០០០ រៀល, ប្រធានក្រុមប្រឹក្សាក្រុង ស្រុក ខណ្ឌ កើនឡើងដល់ ១ ៣៩៥ ០០០ រៀល, សមាជិកក្រុមប្រឹក្សាក្រុង ស្រុក ខណ្ឌ កើនឡើងដល់ ១ ០៥០ ០០០ រៀល, ប្រធានក្រុមប្រឹក្សាឃុំ សង្កាត់ កើនឡើងដល់ ១ ៣៤៥ ០០០ រៀល, ជំទប់ទី១, ចៅសង្កាត់រងទី១ កើនឡើងដល់ ១ ០០៥ ០០០ រៀល, ជំទប់ទី២, ចៅសង្កាត់រងទី២ កើនឡើងដល់ ១ ០០៥ ០០០ រៀល, សមាជិកក្រុមប្រឹក្សាឃុំ សង្កាត់ កើនឡើងដល់ ៨៩៥ ០០០ រៀល, មេភូមិ កើនឡើងដល់ ៥៧០ ០០០ រៀល, អនុប្រធានភូមិ កើនឡើងដល់ ៤៤៥ ០០០ រៀល, សមាជិកភូមិ កើនឡើងដល់ ៤១៥ ០០០ រៀល៕