«នាវាទេសចរណ៍»១គ្រឿងដឹកភ្ញៀវជិត២ពាន់នាក់ បានចូលចតកំពង់ផែក្រុងព្រះសីហនុ

ព្រះសីហនុ៖ នាវាទេសចរណ៍ចំនួន ១គ្រឿង ឈ្មោះ NOORDAM សញ្ជាតិ NETHERLAND បានចូលចតដល់កំពង់ផែស្វយ័តក្រុងព្រះសីហនុ នាព្រឹកថ្ងៃទី១៩ ខែវិច្ឆិកា ឆ្នាំ២០២៤ ដើម្បីចូលមកទស្សនាកម្សាន្តនៅកម្ពុជា។

នាវាទេសចរណ៍ចំនួន ១គ្រឿងមានឈ្មោះ NOORDAM សញ្ជាតិ NETHERLAND បានចូលចតដល់កំពង់ផែស្វយ័តក្រុងព្រះសីហនុ នាព្រឹកថ្ងៃទី១៩ ខែវិច្ឆិកា ឆ្នាំ២០២៤ ដែលនាំមកនូវភ្ញៀវទេសចរណ៍ចំនួន ១,៨៦៥នាក់ ស្រី ៩៨៧នាក់ មាន ៤៣សញ្ជាតិ នាវិកចំនួន ៧៧៦នាក់ ស្រី ១៣៦នាក់មាន ៣៥សញ្ជាតិ។

គួរបញ្ជាក់ថា នាវាទេសចរណ៍នេះ បានចាកចេញពីប្រទេសវៀតណាម ហើយបានបន្តមកចូលកម្សាន្តនៅកម្ពុជារយៈពេល ១ថ្ងៃ បន្ទាប់នឹងបន្តដំណើរចាកចេញទៅប្រទេសថៃ៕