សៀមរាប៖ កម្មវិធីប្រកួតប្រជែងស្នាដៃយុវជនសតវត្សរ៍ទី២១ ប្រព្រឹត្តទៅចាប់ពីថ្ងៃទី០២ ដល់ថ្ងៃទី០៤ ខែវិច្ឆិកា ឆ្នាំ២០២៤ នៅខេត្តសៀមរាប ចូលរួមដោយយុវជនមកពី ២៥រាជធានីខេត្ត ដើម្បីទទួលស្គាល់ និងលើកទឹកចិត្តដល់យុវជនក្នុងការច្នៃប្រឌិតថ្មីៗ។
ការប្រកួតប្រជែងស្នាដៃយុវជនសតវត្សរ៍ទី២១ ឆ្នាំ២០២៤ ក្រោមប្រធានបទ "STEM ក្នុងវិស័យថាមពលបៃតង" ប្រព្រឹត្តទៅចាប់ពីថ្ងៃទី០២ ដល់ថ្ងៃទី០៤ ខែវិច្ឆិកា ឆ្នាំ២០២៤ នៅមជ្ឈមណ្ឌលជាតិយុវជនកម្ពុជា ខេត្តសៀមរាប ដោយចូលរួមដោយតំណាងមន្ទីរ និងសិស្សានុសិស្សសមាជិកក្រុមប្រឹក្សាយុវជនកម្ពុជាមកពី ២៥ រាជធានី ខេត្ត ដើម្បីជួយជំរុញសិស្សានុសិស្ស លោកគ្រូ-អ្នកគ្រូ ឲ្យផ្តោតការសិក្សា និងស្រាវជ្រាវទៅលើមុខជំនាញទាក់ទងនឹងវិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា (STEM) និងស្នាដៃថ្មីៗ។
កម្មវិធីប្រកួតនេះ ធ្វើឡើងដោយផ្សាភ្ជាប់ ការច្នៃប្រឌិតរបស់យុវជនផ្នែកSTEM ទៅនឹងវិស័យថាមពលបៃតង ដើម្បីអភិវឌ្ឍការច្នៃប្រឌិតប្រើប្រាស់ថាមពលបៃតងនៅកម្ពុជា៕
