កម្មវិធី«ពិព័រណ៍យន្តហោះ និងបច្ចេកវិទ្យា» នឹងប្រព្រឹត្តទៅនៅថ្ងៃទី១៣-១៤-១៥ ខែធ្នូ

ភ្នំពេញ៖ កម្មវិធី ពិព័រណ៍យន្តហោះ និងបច្ចេកវិទ្យា២០២៤ ( Air & Tech Show 2024 ) លើកទី៤ នឹងប្រព្រឹត្តទៅនៅថ្ងៃទី១៣-១៤-១៥ ខែធ្នូ ឆ្នាំ២០២៤ ស្ថិតនៅមូលដ្ឋានទ័ពអាកាសពោធិចិនតុង ដែលនឹងបង្ហាញនូវពិពរណ៍យន្តហោះ រួមទាំងស្នាដៃប្រកួតបច្ចេកវិទ្យាប្លែកៗផងដែរ។

កម្មវិធី ពិព័រណ៍យន្តហោះ និងបច្ចេកវិទ្យា២០២៤ ( Air & Tech Show 2024 ) លើកទី៤ នឹងបង្ហាញនូវពិពរណ៍យន្តហោះជាច្រើន និងស្នាដៃប្រកួតបច្ចេកវិទ្យាប្លែកៗរបស់យុវជនសម័យថ្មី លើវិញ្ញាសាចំនួន ៤ រួមមាន ការប្រកួតមនុស្សយន្ត ការប្រកួតយន្តហោះបញ្ជា ការប្រកួតរ៉ូបូតចម្បាំង និងការប្រកួតប្រណាំងដ្រូន។ កម្មវិធីនេះ នឹងប្រព្រឹត្តទៅនៅថ្ងៃទី១៣-១៤-១៥ ខែធ្នូ ឆ្នាំ២០២៤ ស្ថិតនៅមូលដ្ឋានទ័ពអាកាសពោធិចិនតុង។

គួរបញ្ជាក់ថា កម្មវិធី ពិព័រណ៍យន្តហោះ និងបច្ចេកវិទ្យា បានរៀបចំ ៣លើករួចទៅហើយ កាលពីឆ្នាំ ២០១៨ ២០១៩ និង ២០២១ ដែលបានប្រមូលផ្តុំនូវអ្នកទស្សនាជាច្រើន និងទទួលបទពិសោធន៍អង្គុយសាកល្បងលើឧទ្ធម្ភាគចក្រផងដែរ។ បន្ថែមពីនេះ កម្មវិធីលើកទី៤នេះ នឹងនាំមកនូវចំនេះដឹង និងបទពិសោធន៍ថ្មីៗផងដែរ៕