ក្រុងបេរូត៖ យោធាអ៊ីស្រាអែលបានបើកការវាយប្រហារទ្រង់ទ្រាយធំម្តងទៀតលើទីក្រុងបេរូតកាលពីយប់ថ្ងៃព្រហស្បតិ៍ដែលបានធ្វើឲ្យមានសំឡេងផ្ទុះ និងស៊ីរ៉ែនរោទ៍ពាស់ពេញទីក្រុងបេរូតនៅយប់ថ្ងៃព្រហស្បតិ៍ ការវាយជាម្តងទៀតរបស់អ៊ីស្រាអែលគេឃើញមានផ្សែងហុយខ្នួលខ្មាញ់ឡើងលើអាកាស ហើយសំឡេងស៊ីរ៉ែនរថយន្តសង្គ្រោះបានបន្លឺឡើងពេញមួយយប់ក្នុងក្រុងបេរូត។
ការវាយប្រហារជាថ្មីម្តងទៀតរបស់អ៊ីស្រាអែលចូលកណ្តាលក្រុងនៃបេះដូងប្រទេសលីបង់ធ្វើឡើងជាថ្មីម្តងទៀតឆ្លើយតបទៅនិងការបាញ់មីស៊ីលរបស់សម្ព័ន្ធមិត្តលីបង់ គឺអ៊ីរ៉ង់ដែលបានបាញ់ស្រោចមីស៊ីលជាង២០០គ្រាប់ចូលដែនដីនៃប្រទេសអ៊ីស្រាអែលកាលពីដើមខែតុលា។
យោងតាមក្រសួងសុខាភិបាលលីបង់ ការវាយប្រហាររបស់អ៊ីស្រាអែលបានវាយប្រហារលើទីតាំងកណ្តាលក្រុងបេរូតចំនួនពីរ ដោយបានសម្លាប់មនុស្ស ២២ នាក់ និងរបួសជាង ១០០ នាក់ដែលនេះជាការវាយប្រហារសម្លាប់មនុស្សច្រើនជាងគេក្នុងកណ្តាលក្រុងបេរូតចាប់តាំងពីអ៊ីស្រាអែលបានបង្កើនយុទ្ធនាការទម្លាក់គ្រាប់បែកលើប្រទេសលីបង់កាលពីពីរសប្តាហ៍មុន។
អ៊ីស្រាអែលបានទម្លាក់គ្រាប់បែកកម្ទេចអគារចាស់ពីរដែលមានកម្ពស់បី អាគារបានបាក់ដួលរលំនិងសម្លាប់មនុស្សនៅក្បែរ និងក្នុងអាគារជាង ២២ នាក់ និង១០០នាក់ទៀតរងរបួស សម្លេងផ្ទុះ និងគ្រាប់បែកបានលឺស្ទួតៗគ្នាដែលធ្វើឲ្យពលរដ្ឋលីបង់មានការភ័យខ្លាចជាខ្លាំងមិនធ្លាប់កើតមាន។
