វៀតណាម៖ ព្យុះកំពុតត្បូង ថ្មីមួយទៀតនឹងចាប់ផ្តើមវាយប្រហារមកលើប្រទេសវៀតណាម ដែលជាព្យុះមិនធ្លាប់មានរយៈពេល ៥០ឆ្នាំ ហើយនឹងវាយប្រហារទីក្រុងសំខាន់ៗដូចជា៖ ហាណូយ និង ខេត្តប្រមាណ ៩ទៀត នាល្ងាចថ្ងៃទី ១០ កញ្ញានេះ។នេះបើយោងតាមការប្រកាសព្រមានពី មជ្ឈមណ្ឌលព្យាករណ៍ធនធានជលសាស្ត្រនៃប្រទេសវៀតណាម ចេញផ្សាយដោយសារព័ត៌មានវៀតណាម VNexpress។
ប្រភពដដែលបានរាយការណ៍ថា រយៈពេលពី ២០ នាទី ទៅ ៣ ម៉ោងខាងមុខនេះ ពពកវិលជុំនៅខេត្តទាំង៩នោះនឹងបង្កឲ្យមានភ្លៀងធ្លាក់ និង ផ្គររន្ទះនៅតំបន់ Gia Lam ស្រុក Long Bien ស្រុក Hoang Mai ស្រុក Thanh Tri ស្រុក Hoai Duc ស្រុក Thanh Oai ។ ស្រុក Ha Dong បន្ទាប់មកនិងបន្តរីករាលដាលដល់ស្រុកផ្សេងទៀត។
គួរបញ្ជាក់ថា គិតត្រឹមល្ងាចថ្ងៃអង្គារនេះ មានពលរដ្ឋវៀតណាមប្រមាណ ៨២ នាក់ស្លាប់ និង បាត់ខ្លួន៦៤នាក់ពីការវាយប្រហារពីព្យុះយ៉ាកជី ក្រៅពីព្យុះយ៉ាកជីវៀតណាមក៏នឹងរងការវាយប្រហារពីព្យុះកំបត់ត្បូងមួយទៀត ប្រជាពលរដ្ឋនៅស្រុកទាំង ៩ ត្រូវបានអាជ្ញាធរវៀតណាម ជូនដំណឹងនៃការជម្លៀសខ្លួន និង ស្វែងរកកន្លែងមានសុវត្ថិភាពជាបណ្តោះអាសន្ន៕
