ភ្នំពេញ៖ ព្រះមេធានុរ័ក្ខ បណ្ឌិត គូ សុភាព នឹងមានវត្តមានក្នុងកម្មវិធី ទិវាអន្តរជាតិសម្រាប់យុវជន ដែលនឹងបកស្រាយនូវបាឋកថាពិសេសពី «យុវជន និងព្រះពុទ្ធសាសនា» នៅថ្ងៃទី ០៧-០៨ សីហា ២០២៤ នៅសាលសម្តេចតេជោ ហ៊ុន សែន វិទ្យាស្ថានជាតិអប់រំ (NIE)។
បើតាមគេហហទំព័រនៃក្រសួងអប់រំ បានឱ្យដឹងថា ព្រះមេធានុរ័ក្ខ បណ្ឌិត គូ សុភាព នឹងមានវត្តមានក្នុងកម្មវិធី ទិវាអន្តរជាតិសម្រាប់យុវជន ដែលនឹងបកស្រាយនូវបាឋកថាពិសេសពី «យុវជន និងព្រះពុទ្ធសាសនា» ។ព្រឹត្តិការណ៍ដ៏អស្ចារ្យប្រចាំឆ្នាំនៃកម្មវិធីអបអរសាទរ “ទិវាអន្តរជាតិសម្រាប់យុវជន ១២ សីហា” ដែលនឹងប្រព្រឹត្តទៅនៅថ្ងៃទី០៧-០៨ ខែសីហា ឆ្នាំ២០២៤ នឹងធ្វើឡើងក្រោមមូលបទ “នវានុវត្តន៍ឌីជីថលរបស់យុវជនសម្រាប់ការអភិវឌ្ឍប្រកបដោយចីរភាព” ដែលអនុញ្ញាតឱ្យមានការចូលរួមពីសាធារណជនដោយសេរី។
នាយកដ្ឋានអប់រំយុវជននិងកុមាររៀបចំកម្មវិធីនៅវិទ្យាស្ថានជាតិអប់រំ ថ្ងៃទី ០៧-០៨ សីហា ឆ្នាំ២០២៤ ដែលក្នុងនោះមានជាសកម្មភាពជាច្រើនដូចជា
១-ពិព័រណ៍ស្តង់យុវជន
២-កិច្ចពិភាក្សាយុវជន
៣-កម្មវិធីប្រកួតនិយាយជាសាធារណៈ
៤-វគ្គផ្តាច់ព្រ័ត្រ កម្មវិធីជជែកដេញដោលយុវជនថ្នាក់ជាតិ២០២៤
៥-បាឋកថាពិសេស
គួរបញ្ជាក់ផងដែរថា កម្មវិធីនេះត្រូវបានរៀបចំដោយ នាយកដ្ឋានអប់រំយុវជន និងកុមារ និងមានការសហការឧបត្ថម្ភពីស្ថាប័នជាច្រើនដែលជាធនាគារ ក្រុមហ៊ុន សារព័ត៌មាន ឬ អង្គការនានា៕
