ភ្នំពេញ៖ នាយកដ្ឋានអប់រំយុវជននិងកុមាររៀបចំកម្មវិធីនៅ NIE ថ្ងៃទី ០៧-០៨ សីហា ដើម្បីអបអរ «ទិវាអន្តរជាតិសម្រាប់យុវជន» លើកទី២៥ ក្រោមមូលបទ នរានុវត្តន៍ឌីជីថលរបស់យុវជនសម្រាប់ការអភិវឌ្ឍប្រកបដោយចីរភាព ដែលអនុញ្ញាតឱ្យមានការចូលរួមពីសាធារណជនដោយសេរី។
បើតាមគេហទំព័រនៃក្រសួងអប់រំ បានឱ្យដឹងថា នាយកដ្ឋានអប់រំយុវជននិងកុមាររៀបចំកម្មវិធីនៅវិទ្យាស្ថានជាតិអប់រំ ថ្ងៃទី ០៧-០៨ សីហា ឆ្នាំ២០២៤ ដែលក្នុងនោះមានជាសកម្មភាពជាច្រើនដូចជា
១-ពិព័រណ៍ស្តង់យុវជន
២-កិច្ចពិភាក្សាយុវជន
៣-កម្មវិធីប្រកួតនិយាយជាសាធារណៈ
៤-វគ្គផ្តាច់ព្រ័ត្រ កម្មវិធីជជែកដេញដោលយុវជនថ្នាក់ជាតិ២០២៤
៥-បាឋកថាពិសេស
ព្រឹត្តិការណ៍ដ៏អស្ចារ្យប្រចាំឆ្នាំនៃកម្មវិធីអបអរសាទរ “ទិវាអន្តរជាតិសម្រាប់យុវជន ១២ សីហា” ដែលនឹងប្រព្រឹត្តទៅនៅថ្ងៃទី០៧-០៨ ខែសីហា ឆ្នាំ២០២៤ នឹងធ្វើឡើងក្រោមមូលបទ “នវានុវត្តន៍ឌីជីថលរបស់យុវជនសម្រាប់ការអភិវឌ្ឍប្រកបដោយចីរភាព” ដែលអនុញ្ញាតឱ្យមានការចូលរួមពីសាធារណជនដោយសេរី។
សម្រាប់ ខួបទី២៥ ទិវាអន្តជាតិសម្រាប់យុវជន ១២ សីហា ក្រោមមូលបទជាសាកល "ទិវាអន្តរជាតិសម្រាប់ ឆ្នាំ២០២៤៖ នវានុវត្តន៍ផ្នែកឌីជីថលរបស់យុវជនសម្រាប់ការអភិវឌ្ឍប្រកបដោយចីរភាព" ដោយផ្តោតលើវិធីសាស្ត្រដែលមនុស្សវ័យក្មេងប្រើប្រាស់បច្ចេកវិទ្យា ឌីជីថលដើម្បីជំរុញវឌ្ឍនភាពឆ្ពោះទៅរកការសម្រេចបាន SDGs តាមរយៈការអបអរសាទរការរួមចំណែកផ្នែកឌីជីថលរបស់យុវជន យើងអាចជំរុញនវានុវត្តន៍ និងការសហការបន្ថែមទៀតឆ្ពោះទៅរកការសម្រេចបាននូវការអភិវឌ្ឍប្រកបដោយចីរភាព។
គួរបញ្ជាក់ផងដែរថា កម្មវិធីនេះត្រូវបានរៀបចំដោយ នាយកដ្ឋានអប់រំយុវជន និងកុមារ និងមានការសហការឧបត្ថម្ភពីស្ថាប័នជាច្រើនដែលជាធនាគារ ក្រុមហ៊ុន សារព័ត៌មាន ឬ អង្គការនានា៕
