កោះកុង៖ មន្ទីរធនធានទឹក និងឧតុនិយមខេត្តកោះកុង នៅថ្ងៃទី២៦កក្កដានេះ បានចេញសេចក្តីជូនដំណឹងពីស្ថានភាពទឹកព្រែកតាតៃក្នុងរយៈពេល២ថ្ងៃនេះ បានហក់ឡើងក្នុងកម្រិតគួរឲ្យព្រួយបារម្ភ និងមានការជន់លិចតំបន់មួយចំនួននៅតាមបណ្ដោយមាត់ព្រែកដែលបណ្ដាលមកពីការបើកបង្ហូរទឹកចេញយ៉ាងគំហុកពីវារីអគ្គិសនី តាត(២.០០០ម៣/១វិនាទី)រួមទាំងក្នុងរយៈពេលប៉ុន្មានថ្ងៃនេះមានភ្លៀងធ្លាក់ខ្លាំងទាំងថ្ងៃទាំងយប់។
អាស្រ័យដូចបានជម្រាបជូនខាងលើ សូមបងប្អូនប្រជាពលរដ្ឋនិងប្រជានេសាទដែលមានទីលំនៅ និង អាស្រ័យផលនៅតាមបណ្ដោយមាត់ព្រែកតាតៃ សូមមេត្តាប្រុងប្រយ័ត្នខ្ពស់ ដើម្បីជៀសវាងពីគ្រោះថ្នាក់ផ្សេងៗ និងការបាត់បង់ខូចខាតទ្រព្យសម្បត្តិបណ្ដាលមកពីជំនន់ទឹកព្រែក ដែលអាចកើតមានឡើងជាយថាហេតុ៕
