![](https://cdn.cc-times.com/kh.cc-times.com/media/50892/large/sddddddddddddddddddddddd.jpg?1721383098)
ភ្នំពេញ៖ អង្គការ ASEAN Youth Organization ជ្រើសរើសបេក្ខជនទូទាំងតំបន់អាស៊ានដើម្បីចូលរួមកម្មវិធី «ការផ្លាស់ប្តូរយុវជនអាស៊ាន» ដែលនឹងប្រព្រឹត្តទៅនៅប្រទេសឥណ្ឌូនេស៊ី និងម៉ាឡេស៊ី។
បើតាមគេហទំព័រ ASEAN Youth Organization បានឱ្យដឹងថា កម្មវិធី «ការផ្លាស់ប្តូរយុវជនអាស៊ាន» កំពុងជ្រើសរើសបេក្ខជនដែលមានអាយុចន្លោះ ១៨ ដល់ ៣៥ ឆ្នាំ ដែលអាចនិយាយភាសាអង់គ្លេសបានល្អ និងមានលិខិតឆ្លងដែនចូលរួមក្នុងកម្មវិធីនេះនៅប្រទេសឥណ្ឌូនេស៊ី និងម៉ាឡេស៊ី ។
បេក្ខជនដែលមានចំណាប់អារម្មណ៍អាចដាក់ពាក្យតាមប្រព័ន្ធអនឡាញតាមរយៈតំណភ្ជាប់៖ https://aseanyouth.net/aye/ ឱ្យបានមុនថ្ងៃទី ៣១ សីហា ២០២៤។ កម្មវិធីនេះនឹងប្រព្រឹត្តទៅនៅថ្ងៃទី ១៩ ដល់ ថ្ងៃទី ២៥ ខែ កញ្ញា ឆ្នាំ២០២៤។
កម្មវិធី ការផ្លាស់ប្តូរយុវជនអាស៊ាន ត្រូវបានរៀបចំដោយ AYO ដែលមានគោលបំណងលើកកម្ពស់ទំនាក់ទំនងអន្តរវប្បធម៌ក្នុងអាស៊ាន លើកទឹកចិត្តដល់កិច្ចសហប្រតិបត្តិការឆ្លងប្រទេស សម្រាប់ការប្រមូលផ្តុំយុវជនដែលមានគំនិតដូចគ្នា ដើម្បីបង្កើតផលប៉ះពាល់ប្រកបដោយចីរភាព។ គួរបញ្ជាក់ផងដែរថា កម្មវិធី «ការផ្លាស់ប្តូរយុវជនអាស៊ាន» ធ្លាប់ត្រូវបានរៀបចំដោយជោគជ័យនៅក្នុងប្រទេសមីយ៉ាន់ម៉ា ថៃ ឥណ្ឌូនេស៊ី សិង្ហបុរី និងកូរ៉េខាងត្បូង តាមប្រព័ន្ធអនឡាញ៕
![](https://cdn.cc-times.com/kh.cc-times.com/media/50893/large/451684931_885351200296073_8480155280008331652_n.jpg?1721383105)