អាម៉េរិក៖ លោក ដូណាល់ ត្រាំ (Donald Trump) អតីតមេដឹកនាំអាម៉េរិក ហើយបច្ចុប្បន្នជាបេក្ខជនដណ្តើមតំណែងប្រធានាធិបតីអាម៉េរិក នៅថ្ងៃទី ១៤ កក្កដា បានរងរបួសស្រាល បន្ទាប់ពីគ្រាប់កាំភ្លើងបានហោះឆាបចំស្លឹកត្រចៀករបស់លោក ក្នុងការសកម្មភាព ដើម្បីប៉ុនប៉ងធ្វើឃាតលើរូបលោក។ការបាញ់ប្រហារនេះ ធ្វើឡើងក្នុងពេលរូបលោកកំពុងនៅលើឆាកនៅឯការប្រមូលផ្តុំយុទ្ធនាការបោះឆ្នោតមួយក្នុងរដ្ឋ Pennsylvania។
យោងតាមបណ្តាញផ្សព្វផ្សាយរបស់អាម៉េរិក បានរាយការណ៍ថា លោក Donald Trump ត្រូវបានគេបាញ់ចំត្រចៀកអំឡុងការប្រមូលផ្តុំយុទ្ធនាការកាលពីថ្ងៃសៅរ៍ ដោយបង្ហូរឈាមបេក្ខជនប្រធានាធិបតីខាងគណបក្សសាធារណរដ្ឋពេញផ្ទៃមុខរបស់លោក ហើយជំរុញឱ្យភ្នាក់ងារសន្តិសុខរបស់គាត់ចោមរោមលោក មុនពេលលោកងើបចេញហើយយកកណ្តាប់ដៃឡើងលើអាកាស ដោយនិយាយពាក្យថា "ប្រយុទ្ធ! ប្រយុទ្ធ! ប្រយុទ្ធ!"។
ក្នុងហេតុការណ៍បាញ់ប្រហារនោះ នាំឱ្យអ្នកគាំទ្រម្នាក់បានស្លាប់ និង មួយចំនួនទៀតរងរបួស ចំណែកខ្មោន់កាំភ្លើងត្រូវបានបាញ់សម្លាប់ភ្លាមៗ ហើយអ្នកគាំទ្រដ៏ទៃផ្សេងទៀត ត្រូវបានប៉ូលិសបានចាប់ផ្តើមជម្លៀសមនុស្សចេញពីកន្លែងកម្មវិធីភ្លាមៗ បន្ទាប់ពីលោក Trump ចាកចេញពីឆាក។ក្រុមអ្នកស្រាវជ្រាវប្រចាំតំបន់ បានចាត់ទុកថា ឧប្បត្តិហេតុនេះកំពុងត្រូវបានស៊ើបអង្កេតថាជាការប៉ុនប៉ងធ្វើឃាត។
ការប៉ុនប៉ងធ្វើឃាតលោក ដូណាល់ ត្រាំ នេះ កើតមានឡើង មិនដល់រយៈពេល ៤ខែ នោះឡើយ មុនការបោះឆ្នោតជ្រើសរើសប្រធានាធិបតីអាមេរិក នៅថ្ងៃទី៥ ខែវិច្ឆិកា ជាពេលលោក ត្រាំ ត្រូវប្រកួតប្រជែងសាជាថ្មី ជាមួយប្រធានាធីបតីអាមេរិកបច្ចុប្បន្ន គឺលោក ចូ បៃដិន។ លោក ត្រាំ ធ្លាប់បានកាន់តំណែងជាប្រធានាធិបតីអាមេរិក ចាប់ពីឆ្នាំ២០១៧ ដល់ឆ្នាំ២០២១ ក្រោយចាញ់លោក បៃដិន ក្នុងការបោះឆ្នោតកាលពីឆ្នាំ២០២០៕
.jpg?1779680672)
