![](https://cdn.cc-times.com/kh.cc-times.com/media/50193/large/449683304_787450893572783_9208168640214079668_n.jpg?1719973749)
ភ្នំពេញ៖ បន្ទាប់ពីទទួលការជោគជ័យក្នុងការរៀបចំចំនួន២លើករួចមកហើយ ក្រោមការជួយគាំទ្ររបស់អង្គការមិត្តសំឡាញ់ ពិព័រណ៍រុក្ខជាតិ និងសួនច្បារភ្នំពេញ នឹងប្រព្រឹត្តឡើងនៅថ្ងៃទី៥ ដល់ថ្ងៃទី៧ ខែកក្កដា ឆ្នាំ២០២៤ ចាប់ពីម៉ោង ១០ ព្រឹក រហូតដល់ម៉ោង ៧ ល្ងាច ដែលមានទីតាំងនៅ មជ្ឃមណ្ឌលបៃតង Connexion កោះពេជ្រ។
![](https://cdn.cc-times.com/kh.cc-times.com/media/50197/large/6V0A6812.jpg?1719973885)
នៅក្នុង ពិព័រណ៍រុក្ខជាតិ និងសួនច្បារភ្នំពេញ លើកទី៣ នេះនឹងធ្វើឡើងក្រោមប្រធានបទ “ទីក្រុងកាន់តែបៃតង៖ ការថែសួនទីក្រុង និងការរស់នៅប្រកបដោយចីរភាព” ដែលនឹងនាំយកអ្វីដែលថ្មី ជាមួយបទពិសោធន៍នៃការចូលរួមល្អៗ ដើម្បីចែកជូនសល់សាធារណជនពីចំណេះដឹងទាក់ទងនឹងការដាំរុក្ខជាតិ ការថែទាំសួនច្បារ និងលំហរបៃតង។
![](https://cdn.cc-times.com/kh.cc-times.com/media/50200/large/6V0A7401.jpg?1719974051)
អ្វីដែលកាន់តែពិសេសទៀតនោះ កម្មវិធីក៏មានការរៀបចំសិក្ខាសាលាផ្សេងៗទាក់ទងនឹងគន្លឹះនៃការដាំរុក្ខជាតិលម្អ ការដាំកេសកូល ការរៀបចំបាច់ផ្កា ការបោះពុម្ភដោយដៃ និងការធ្វើទៀនក្រអូបជាដើម។ មិនតែប៉ុណ្ណោះ កម្មវិធីនេះក៏មានការជជែកវែកញែកអំពីប្រធានបទចំនួនគឺ ការរស់នៅប្រកបដោយចីរភាព ជាមួយវាគ្មិនកិត្តិយស និងការកំណត់ការរចនាលំហរបៃតងក្នុងទីប្រជុំជន។
![](https://cdn.cc-times.com/kh.cc-times.com/media/50195/large/Facebook_Poster_(PPPGF).jpg?1719973823)
ពិព័រណ៍រុក្ខជាតិ និងសួនច្បារភ្នំពេញ លើកទី3 ជាព្រឹត្តិការណ៍សាធារណៈដែលធ្វើឡើងដើម្បីអ្នកស្រលាញ់រុក្ខជាតិ និងចង់ស្វែងយល់អំពីរុក្ខជាតិ បានជួបជុំគ្នា ចែករំលែកចំណេះដឹង ផ្លាស់ប្ដូរបទពិសោធន៍ និងជម្រុញលើកទឹកចិត្តសាធារណជនឲ្យយល់ដឹងបន្ថែមអំពីរុក្ខជាតិ សួនច្បារ និងលំហរបៃតងក្នុងទីប្រជុំជន។ ក្រៅពីនេះកម្មពិធីមានតូបលក់ភេសជ្ជៈ ទឹកផ្លែឈើ កាហ្វេ ម្ហូបជាច្រើនមុខ និងផលិតផលជាច្រើនមុខទៀតពីដៃគូរសហការ និងអ្នកឧបត្ថម្ភកម្មវិធី -ល-។
![](https://cdn.cc-times.com/kh.cc-times.com/media/50196/large/6V0A6794.jpg?1719973876)
កម្មវិធីមានការចូលរួមពីអ្នកលក់រុក្ខជាតិលម្អជាច្រើនប្រភេទដូចជា៖ រុក្ខជាតិដំបងយក្ស ប្រទាល រុក្ខជាតិលម្អស្លឹក កេសកូល អ្នករៀបចំសួនច្បារ និងទេសភាព អ្នកលក់ផលិតផលកសិកម្ម ពិព័រណ៍សិល្បៈអំពីរុក្ខជាតិ សិក្ខាសាលាអំពីរុក្ខជាតិ កិច្ចពិភាក្សា និងការសម្ដែងពីសិល្បករជាច្រើននាក់ដូចជាក្រុមតន្ត្រីសម័យ ហ្គីតា របាំល្ខោនខោល និងក្រុមរថយន្តតន្ត្រីទិព្វខ្មែរ។
![](https://cdn.cc-times.com/kh.cc-times.com/media/50198/large/%E1%9E%93%E1%9F%81%E1%9E%B9.jpg?1719973977)
កម្មវិធីនេះរៀបចំឡើងដោយ Phnom Penh Houseplant Festival និងសហការរៀបចំដោយ IDEN CREATIVE CO,. LTD។ ព្រឹត្តិការណ៍នេះនឹងរៀបចំឡើងនៅថ្ងៃទី៥ ដល់ថ្ងៃទី៧ ខែកក្កដា ឆ្នាំ២០២៤ នៅទីតាំង មជ្ឈមណ្ឌលបៃតង Connexion កោះពេជ្រ៕