រុស្ស៊ី៖ ក្រុមជម្រើសជាតិកីឡាទូកនាគកម្ពុជាដណ្តើមបានមេដាយមាស ចំនួន ១គ្រឿង លើវិញ្ញាសាចំងាយ ២ ០០០ម៉ែត្រ និងមេដាយសំរឹទ្ធ ចំនួន ២គ្រឿង លើវិញ្ញាសាចំងាយ ២០០ម៉ែត្រ និងចំងាយ ៥០០ម៉ែត្រ ក្នុងព្រឹត្តិការណ៍ប្រកួតកីឡាទូកនាគអន្តរជាតិ នៅរដ្ឋអាល់តៃក្រៃ ប្រទេសរុស្ស៊ី។
សូមជម្រាបថា ព្រិត្តិការណ៍ប្រកួតកីឡាទូកនាគអន្តរជាតិ បានប្រព្រឹត្តទៅចាប់ពីថ្ងៃទី២៨ ដល់ថ្ងៃទី៣០ ខែមិថុនា ឆ្នាំ២០២៤ និងមានប្រទេសចូលរួមប្រកួត ចំនួន ៩ រួមមាន៖ កម្ពុជា រុស្ស៊ី ឥណ្ឌូនេស៊ី មីយ៉ាន់ម៉ា ហ្វីលីពីន ឥណ្ឌា អូប៉ាគីស្ថាន វៀតណាម និងម៉ាឡេស៊ី។
