![](https://cdn.cc-times.com/kh.cc-times.com/media/50081/large/Screenshot_(548).jpg?1719799197)
កំពង់ចាម៖ រយៈពេល៦ខែ ដើមឆ្នាំ២០២៤ ផ្សោតកើតកូនបាន ៨ក្បាល និងស្លាប់តែ ២ក្បាលប៉ុណ្ណោះ។ ខណៈបច្ចុប្បន្ននេះ កម្ពុជា មានសត្វផ្សោតទន្លេមេគង្គចំនួនប្រមាណ ១០៥ក្បាល។ នេះបើតាមប្រសាសន៍លោក ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ថ្លែងក្នុងទិវាមច្ឆជាតិ ១ កក្កដា លើកទី១៩ នៅទីតាំងបឹងធំ ខេត្តកំពង់ចាម។
បើតាមប្រសាសន៍លោក ឌិត ទីណា អត្រាស្លាប់របស់សត្វផ្សោតទន្លេមេគង្គត្រូវបានកាត់បន្ថយគួរឱ្យកត់សម្គាល់ គឺពី ១១ក្បាល នៅឆ្នាំ២០២២ មកត្រឹម ៥ក្បាល នៅឆ្នាំ២០២៣។ ខណៈដែលអត្រាកើតបានកើនឡើងពី ៦ក្បាល ក្នុងឆ្នាំ២០២២ និង ៨ក្បាល នៅឆ្នាំ២០២៣។ រយៈពេល៦ខែ ដើមឆ្នាំ២០២៤ ផ្សោតកើតកូនបាន ៨ក្បាល និងស្លាប់តែ ២ក្បាលប៉ុណ្ណោះ។ បច្ចុប្បន្ន កម្ពុជា មានសត្វផ្សោតទន្លេមេគង្គចំនួនប្រមាណ ១០៥ក្បាល។
សូមជម្រាបថា សត្វផ្សោតទន្លេមេគង្គ ត្រូវបានអ្នកវិទ្យាសាស្ដ្រចាត់ថ្នាក់ក្នុងបញ្ជីក្រហមរបស់អង្គការ IUCN ជាប្រភេទជិតផុតពូជ។ នៅកម្ពុជា សត្វផ្សោតទាំងនេះកំពុងរស់នៅតាមទីជម្រកសំខាន់ៗនៃទន្លេមេគង្គ ចាប់ពីទីរួមខេត្តក្រចេះ រហូតដល់ព្រំប្រទល់នៃប្រទេសឡាវ ត្រង់ប៉ែកខាងក្រោមនៃល្បាក់ខោន ដែលមានចម្ងាយ១៨០គីឡូមែត្រ៕
![](https://cdn.cc-times.com/kh.cc-times.com/media/50083/large/Screenshot_(549).png?1719799281)
![](https://cdn.cc-times.com/kh.cc-times.com/media/50082/large/Screenshot_(550).png?1719799281)