វគ្គបណ្តុះបណ្តាល«ភាពយន្តខ្លី» ២០២៤ បើកទទួលការដាក់ពាក្យចូលរៀនដល់ថ្ងៃ ០៦ កក្កដា

ភ្នំពេញ៖ ក្រសួងវប្បធម៌ និងវិចិត្រសិល្បៈ បានផ្តួចផ្តើម និងឧបត្ថម្ភគាំទ្រ នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ដោយមានការសហការជាមួយ Cine-Hub និងមជ្ឈមណ្ឌលបណ្តុះបណ្តាលជំនាញ និងទទួលការថតភាពយន្ត ដើម្បី រៀបចំវគ្គបណ្តុះបណ្តាលភាពយន្តខ្លី កម្ពុជា។

បើតាមការផ្សព្វផ្សាយនៃគេហទំព័រ មជ្ឈមណ្ឌលបណ្តុះបណ្តាលជំនាញ និងទទួលការថតភាពយន្ត (Cambodia Film Commission) បានឱ្យដឹងថា ក្រសួងវប្បធម៌ និងវិចិត្រសិល្បៈ បានផ្តួចផ្តើម និងឧបត្ថម្ភគាំទ្រ នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ដោយមានការសហការជាមួយ Cine-Hub និងមជ្ឈមណ្ឌលបណ្តុះបណ្តាលជំនាញ និងទទួលការថតភាពយន្ត ដើម្បីរៀបចំវគ្គបណ្តុះបណ្តាលភាពយន្តខ្លី កម្ពុជា ដើម្បីផ្តល់ឱកាសដល់យុវជនដែលមានទេពកោសល្យ និងឧបនិស្ស័យក្នុងការផលិតភាពយន្ត ពង្រឹងសមត្ថភាពក្លាយជាផលិតករភាពយន្តអាជីព។

យុវជនមានជម្រើសពីរក្នុងការដាក់ពាក្យ ដោយអាចដាក់តាមប្រព័ន្ធអនឡាញ ឬ អាចបំពេញឯកសារយកទៅដាក់ពាក្យផ្ទាល់នៅទីតាំងការិយាល័យ Cambodia Film Commission ដែលមានអាស័យដ្ឋានផ្ទះលេខ១២៨ ផ្លូវលេខ២០០ សង្កាត់បឹងរាំង ខណ្ឌដូនពេញ ឬ ផ្ញើរតាមរយៈអាសយដ្ឋានអ៊ីមែល [email protected]។

យុវជនត្រូវដាក់ពាក្យសុំចូលរៀន ឱ្យបានមុន ម៉ោង៥ល្ងាច ថ្ងៃទី៦ ខែកក្កដា ឆ្នាំ២០២៤ ។ ប្រសិនបើមានចម្ងល់សូមទំនាក់ទំនងទូរស័ព្ទលេខ ០១៦ ៣២០ ៨៩៥ និង ០៧៧ ៣៣៦ ៦៥៤។ ក្រោយដាក់ពាក្យសូមចូលរៀន បេក្ខជននឹងឆ្លងកាត់វគ្គជួបសម្ភាសផ្ទាល់ថ្ងៃទី១៥ ខែកក្កដា ឆ្នាំ២០២៤ ចំណែកលទ្ធផលនឹងត្រូវបានប្រកាសជាផ្លូវការ នៅថ្ងៃទី២០ ខែកក្កដា ឆ្នាំ២០២៤។