កាលពីថ្ងៃទី១ ខែមិថុនា ឆ្នាំ២០២៤ ដើម្បីចូលរួមអបអរទិវាកុមារអន្តរជាតិ ក្រុមហ៊ុន CVG2U CO., LTD បានរៀបចំកម្មវិធីសប្បុរសធម៌ ក្រោមប្រធានបទ “បេសកកម្មស្នាមញញឹមកុមារ" ក្រោមវត្តមានចូលរួមពីគណៈអធិបតី លោកឥន្ទ វិទូជំទប់ទី១ ក្នុងឃុំត្រពាំងធំ ខាងជើង ស្រុកត្រាំកក់ ខេត្តតាកែវ លោក ឃឹម ចន្ថន នាយកសាលាបឋមសិក្សា សិរីតំណាក់ លោក អ៊ុក ម៉ារិន្ទ ក្រុមប្រឹក្សា ខាងជើង ស្រុកត្រាំកក់ ខេត្តតាកែវ លោក ប្រាក់ ឌី មេភូមិរង ខាងជើង ស្រុកត្រាំកក់ ខេត្តតាកែវ និងលោកស្រី មិត្ត ស្រីម៉ុម មកពីខាងយេនឌ័រ។
ដោយមើលឃើញ អំពីភាពខ្វះខាតរបស់សាលា ដែលសព្វថ្ងៃមានសិស្សានុសិស្សដែលកំពុងសិក្សាជាង ២១៥នាក់ កំពុងជួបការលំបាន និងត្រូវការជំនួយ ក្រុមហ៊ុន CVG2U CO., LTD បាននាំយកនូវសម្ភារៈសិក្សាចំនួន ២១៥ឈុត រួមជាមួយសម្ភារៈប្រើប្រាស់ជាច្រើន សម្រាប់អ្នកគ្រូ លោកគ្រូ ប្រើប្រាស់ក្នុងការបង្រៀន ដល់សិស្សានុសិស្សនៅសាលាបឋមសិក្សា សិរីតំណាក់ ដើម្បីអោយពួកគាត់ទទួលបាននូវឱកាស និងការយកចិត្តទុកដាក់ដូចក្មេងៗដទៃ ដើម្បីជាការលើកទឹកចិត្តឲ្យពួកគាត់ស្រលាញ់ការសិក្សា និងក្លាយជាបុគ្គលល្អនៅក្នុងសង្គមនាថ្ងៃអនាគត។
កញ្ញា តាំង សុខភ័ន តំណាងក្រុមហ៊ុន CVG2U CO., LTD បានមានប្រសាសន៍ថា៖ «ទោះបីជាអំណោយតិចឬច្រើនក្តី ប៉ុន្តែវាគឺជាការរួមចំណែកតូចមួយក្នុងការថែទាំផ្តល់ជីវភាព ក៏ដូចជាសុខភាពអោយកាន់តែប្រសើរឡើងដល់កុមារកំព្រា និងកុមារដែលជួបការលំបាក ដើម្បីបង្ហាញពីទំនួលខុសត្រូវរបស់ក្រុមហ៊ុនរបស់យើង និងចូលរួមចំណែកដល់សង្គមកាន់តែប្រសើរឡើង។
លោក ឃឹម ចន្ថន នាយកសាលាបឋមសិក្សា សិរីតំណាក់ ក៏មានប្រសាសន៍ដែរថា៖ ការនាំយកនូវសម្ភារៈសិក្សាសម្រាប់សិស្សនៅសាលាបឋមសិក្សា សិរីតំណាក់ បានចូលរួមចំណែកយ៉ាងសកម្មក្នុងការជំរុញអោយកុមារទទួលបាននូវក្តីស្រលាញ់ក៏ដូចជាជំរុញអោយកុមារស្រលាញ់ការសិក្សា។ ក្នុងនោះលោកក៏មានប្រសាសន៍បន្ថែមទៀតដែរថា៖ សាលាបឋមសិក្សា សិរីតំណាក់ ដែលមានទីតាំងស្ថិតនៅក្នុងឃុំត្រពាំងធំ ខាងជើង ស្រុកត្រាំកក់ ខេត្តតាកែវ ពិតជាមានការខ្វះខាត និងជួបការលំបាកជាខ្លាំង និងសំណូមពរដល់សាធារណៈជននិងសប្បុរជនទាំងអស់ ជួយដល់សាលា បរិច្ចាគជាសម្ភារៈសិក្សាក៏បាន ជាថវិការក៏បាន តាមការពេញចិត្ត។
ក្រៅពីការឧបត្ថម្ភ សម្ភារៈសិក្សា បុគ្គលិក CVG2U CO., LTD ក៏បានចុះធ្វើការសំណេះសំណាល ជាមួយក្មេងៗ និងការលេងល្បែងកំសាន្តសប្បាយជាមួយក្មេងៗ (ហ្គេម ទំពាំង ឬស្សី) និងការបំបែកជាក្រុមតូចៗ ចែករំលែកចំណេះដឹង និងហត្ថកម្ម (ក្តីស្រលាញ់ នឹងការរួបរួម) ដូចជាការកែច្នៃបត់បេះដូង និងការផាត់ពណ៌ជាដើម ប្រកបដោយស្នាមញញឹម និងភាពរីករាយ។
ក្នុងនោះផងដែរ ក្រុមការងារ CVG2U CO., LTD ទាំងអស់មានអារម្មណ៍រីករាយនិងក្ដុកក្ដួលជាខ្លាំង នៅពេលដែលបានឃើញញញឹមដ៏បរិសុទ្ធរបស់សិស្សានុសិស្សនៅសាលាបឋមសិក្សា សិរីតំណាក់។
នាពេលអនាគត ក្រុមហ៊ុន CVG2U CO., LTD នៅតែបន្តរក្សានិងជំរុញយ៉ាងខ្លាំងក្លានូវសកម្មភាពសប្បុរសធម៌ ជួយដល់អ្នកដែលកំពុងជួបការខ្វះខាត និងចូលរួមចំណែកក្នុងការអភិវឌ្ឍន៍សហគមន៍ប្រកបដោយនិរន្តរភាពនិងតាមលទ្ធភាព។ ព្រោះថា "នៅពេលដែលក្តីស្រលាញ់ត្រូវបានផ្តល់ឱ្យគ្នាដោយការជួយគ្នា នោះក្ដីស្រលាញ់នឹងស្ថិតស្ថេររហូតទៅ" ។
គួរបញ្ជាក់ផងដែរថា៖ ក្រុមហ៊ុន CVG2U CO., LTD គឺជាក្រុមហ៊ុន ដែលមានលក់ និងចែកចាយជាផលិតផលថែរក្សាសុខភាព និងសម្រស់ ឈានមុខគេនៅក្នុងតំបន់អាស៊ីអាគ្នេយ៍ ដែលបង្កើតឡើងដំបូងក្នុងឆ្នាំ២០១៨ ហើយមានទីផ្សារនៅកម្ពុជានៅក្នុងឆ្នាំ២០២៣។ ក្រុមហ៊ុន CVG2U CO., LTD ប្រកាន់ខ្ជាប់នូវបេសកកម្ម "នាំយកតែផលិតផលល្អៗមានគុណភាណខ្ពស់ និងមិនប៉ះពាល់សុខភាពអ្នកប្រើប្រាស់ និងខណៈពេលរក្សាបាននូវតម្លៃសមរម្យ"។ ក្រុមហ៊ុន CVG2U CO., LTD បានអះអាងថាខ្លួននៅតែបន្ដប្តេជ្ញាស្វែងរកនូវផលិតផលថ្មី និងសុវត្ថិភាព ដើម្បីបំពេញតម្រូវការក្នុងស្រុក និងអន្តរជាតិ។
សម្រាប់ព័ត៌មានបន្ថែម៖
Telegram: https://t.me/huan_cvg1688
ហ្វេកបុកផេក៖ https://www.facebook.com/profile.php?id=100095389264777
