ចិនផ្តើមប្រកួតជើងឯក Dragon Boat Open Championship

ចិន៖ ប្រទេសចិនបានចាប់ផ្តើមដាក់ប្រណាំងលើកដំបូងនៃកម្មវិធីឆ្នាំ 2024 China Dragon Boat Open Championship ដែលបានដំណើរការកាលពីថ្ងៃសៅរ៍នៅទីក្រុង Qingyuan នៃខេត្ត Guangdong ភាគខាងត្បូងប្រទេសចិន ការប្រណាំទូកនេះបានទាក់ទាញក្រុមអ្នកជំនាញប្រណាំងចំនួន ២០ មកពីទូទាំងប្រទេស និងក្រុមក្នុងស្រុកចំនួន ១២ មកពីក្រុង Qingyuan។

ជាមួយនឹងសំឡេងគង និងស្គរដ៏សន្ធឹកសន្ធាប់ ក្រុមដែលចូលរួមបាននាំគ្នាប្រឹងប្រែងប្រណាំងទូកនាគដ៏រស់រវើករបស់ពួកគេ ដោយបង្ហាញរូបភាពនៃចលនានៃទូកនាគដ៏អស្ចារ្យដែលកំពុងប្រជែងគ្នានៅតាមបណ្តោយទឹក ចំណែកនៅតាមច្រាំងទន្លេមនុស្សម្នាបានប្រមូលផ្តុំទៅដោយអ្នកទស្សនាយ៉ាងច្រើនកុះករ បង្កើតបរិយាកាសដ៏រស់រវើក ពោរពេញទៅដោយការអបអរសាទរ និងបរិយាកាសយ៉ាងសប្បាយរីករាយ។

អ្នកទស្សនាបាននិយាយថាខ្ញុំមិនបានទស្សនាការប្រណាំងទូកនាគយូរមកហើយ ដូច្នេះខ្ញុំមកទីនេះជាពិសេសដើម្បីទទួលយកបរិយាកាសថ្មីវាជាកម្មវិធីដ៏ល្អមួយដើម្បីបន្តប្រពៃណីនៃព្រឹត្តិការណ៍បុណ្យនេះហើយព្រឹត្តិការណ៍នេះបានបង្ហាញពីកម្លាំងកាយចិត្តរបស់អ្នកប្រណាំទាំងអស់គ្នាដើម្បីប្រកួតយកជ័យជំនះ។

ក្នុងព្រឹត្តិការណ៍នេះ ការប្រណាំងទូកនាគរួមមានការប្រណាំងចម្ងាយ១០០ម៉ែត្រ ២០០ម៉ែត្រ និង៥០០ម៉ែត្រ ។សមាជិកសមាគមទូកនាគ សាន់យ៉ា បាននិយាយថា "យើងបានចាប់ផ្តើមរៀបចំភ្លាមៗបន្ទាប់ពីពិធីបុណ្យចូលឆ្នាំចិន ហើយយើងបានគ្រោងទុករយៈពេល ៣ ខែ។ យើងនឹងបន្តខិតខំប្រឹងប្រែង និងខិតខំដើម្បីយកឈ្នះជើងឯកនៅគ្រប់ការប្រណាំងនៅឆ្នាំនេះ៕