Cc times web banner kh additional year end web banner2 (6)

អឺរ៉ង់ប្រកាស«ស៊ើបអង្កេត»លើហេតុការណ៍ស្លាប់មេដឹកនាំខ្លួនចំពេលភាពតានតឹងនៅដើមបូព៌ា

អន្តរជាតិ
/
អ្នកយកព័ត៌មាន:
ស៊ីស៊ីថាមស៍
/

អឺរ៉ង់៖រដ្ឋាភិបាលប្រទេសអឺរ៉ង់ នៅថ្ងៃច័ន្ទម្សិលមិញ បានប្រកាសបន្តបើកការស៊ើបអង្កេតលើមូលហេតុនៃការធ្លាក់ឧទ្ធម្ភាគចក្រ ដែលបានសម្លាប់មេដឹកនាំរបស់ខ្លួន គឺលោក អេប្រាហ៊ីម រ៉ៃស៊ី រួមទាំងមេដឹកនាំមួយចំនួនទៀត។ការស្លាប់នេះ ស្របពេលដែល​បរិបទ​តំបន់ដើមបូព៌ា កំពុងតែជួបអស្ថិរភាពយ៉ាងខ្លាំង​ ដោយសារតែសំណុំរឿងអ៉ីស្រាអែល-ប៉ាឡេស្ទីន​។

ក្រោយពីដំណឹងមរណភាពរបស់លោកប្រធានាធិបតីអឺរ៉ង់ លោក អេប្រាហ៊ីម រ៉ៃស៊ី ប្រជាជនបានប្រមូលផ្តុំគ្នានៅក្នុងរដ្ឋធានី Tehran ដោយកាន់ទុក្ខ សម្តែងភាពសោកសង្រែង និងបានប្រកាសកាន់ទុក្ខរយៈពេល៥ថ្ងៃ ផ្អាកសកម្មភាពកម្សាន្តនានា ព្រឹត្តិការវប្បធម៌ ហើយទូទាំងប្រទេសទាំងមូលរក្សាភាពស្ងៀមស្ងាត់។

លោក Mohammad Mokhber ត្រូវបានតែងតាំងជាប្រធានាធិបតីបណ្តោះអាសន្ន ដើម្បីរៀបចំដឹកនាំប្រទេស ហើយបានប្រកាសបើកការស៉ើបអង្កេតលើគ្រោះថ្នាក់ធ្លាក់ឧទ្ធម្ភាចក្រនេះ។បច្ចុប្បន្នសាកសពរបស់ លោក អេប្រាហ៊ីម រ៉ៃស៊ី នឹងរៀបចំផ្ទេរទៅកាន់ស្រុកកំណើតរបស់លោក ជាកន្លែងដែលពិធីបុណ្យសពរបស់លោកនឹងត្រូវធ្វើឡើងនៅថ្ងៃព្រហស្បតិ៍។

គួរបញ្ជាក់ថា លោក​ប្រធានាធិបតីអឺរ៉ង់ អេប្រាហ៊ីម រ៉ៃស៊ី និង លោក​រដ្ឋមន្ត្រីការបរទេស បានស្លាប់នៅក្នុងគ្រោះថ្នាក់ធ្លាក់ឧទ្ធម្ភាចក្រ កាលពីល្ងាចថ្ងៃ​អាទិត្យទី​ ១៩ ឧសភា នៅតំបន់ភាគពាយ័ព្យ ក្បែរព្រំដែន​រវាងអឺរ៉ង់ និង អាស៊ែបៃហ្សង់។ក្នុងពេលកើតហេតុ គឺកត្តាអាកាសធាតុមិនល្អទេ ដោយ​មានភ្លៀងខ្យល់ ហើយ​មានពពកអ័ព្ទក្រាសខ្លាំងណាស់។

តែយ៉ាងណាក្តី ការស្លាប់នេះ ស្របពេលដែល​បរិបទ​តំបន់ដើមបូព៌ា កំពុងតែជួបអស្ថិរភាពយ៉ាងខ្លាំង​ ដោយសារតែសំណុំរឿងអ៊ីស្រាអែល-ប៉ាឡេស្ទីន​។បរិបទបច្ចុប្បន្ន អឺរ៉ង់ និង អ៊ីស្រាអែល កំពុងតតាំងគ្នាខ្លាំងណាស់ នៅក្នុងសំណុំរឿងប៉ាឡេស្ទីន កាលពី​ថ្ងៃទី​១៣ មេសា អ៊ីរ៉ង់បានបង្ហោះដ្រូន និង មីស៊ីលប្រមាណ​៣០០គ្រឿង សំដៅវាយប្រហារអ៉ីស្រាអែល ហើយដែលអ់ីស្រាអែល​ បាន​​ប្រកាសថា នឹងសងសិកវិញ។មួយវិញទៀត អឺរ៉ងកំពុងចាប់ផ្តើមបើក​ចរចាដោយ​ប្រយោល ជាមួយភាគីអាម៉េរិក ស្តីអំពី​កម្មវិធីនុយក្លេអ៊ែរនៅអឺរ៉ង់ដែលជាក្តីបារម្ភខ្លាំងរបស់អ៉ីស្រាអែល៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង