តម្លៃលក់រាយប្រេងឥន្ទនៈនៅកម្ពុជាចុះថ្លៃ សម្រាប់ថ្ងៃទី១១-២០ ខែឧសភា

ភ្នំពេញ៖ តម្លៃលក់រាយប្រេងឥន្ទនៈសម្រាប់អនុវត្តនៅកម្ពុជា ចាប់ពីថ្ងៃទី១១ ដល់ថ្ងៃទី២០ ខែឧសភា នឹងមានតម្លៃ៤.៣០០រៀល/លីត្រ សម្រាប់សាំងធម្មតា EA92 និង៤.០៥០រៀល/លីត្រ សម្រាប់ប្រេងម៉ាស៊ូត។

យោងតាមសេចក្ដីជូនដំណឹងរបស់ក្រសួងពាណិជ្ជកម្ម នាថ្ងៃទី ១១ ខែឧសភានេះ បានប្រកាសពីតម្លៃលក់រាយប្រេងឥន្ធនៈនៅតាមស្ថានីយនានា ដោយចាប់ផ្ដើមអនុវត្តចាប់ពីថ្ងៃទី១១ ដល់ថ្ងៃទី២០ ខែឧសភា ឆ្នាំ២០២៤ នឹងត្រូវលក់ក្នុងតម្លៃ ៤.៣០០រៀល/១លីត្រ (ចុះថ្លៃ ១៥០៛) សម្រាប់សាំងធម្មតា EA92 និង ៤.០៥០រៀល/លីត្រ(ចុះថ្លៃ ៥០៛) សម្រាប់ប្រេងម៉ាស៊ូត។

គួរបញ្ជាក់ថា តម្លៃលក់រាយប្រេងឥន្ទនៈសម្រាប់អនុវត្តនៅកម្ពុជា កាលពីថ្ងៃទី០១ ដល់ថ្ងៃទី១០ ខែឧសភា ឆ្នាំ២០២៤ ត្រូវលក់សាំងធម្មតាក្នុងតម្លៃ ៤.៤៥០រៀល/លីត្រ និងម៉ាស៊ូតត្រូវលក់ ៤.១០០រៀល/លីត្រ៕