ភ្នំពេញ៖ សត្វទោចថ្ពាល់លឿង ជាប្រភេទរងគ្រោះជិតផុតពូជ ដែលចុះក្នុងបញ្ជីក្រហមអង្គការសហភាពអន្តរជាតិដើម្បីអភិរក្សធម្មជាតិ (IUCN)។ បច្ចុប្បន្នសត្វទោចថ្ពាល់លឿងមានចំនួនប្រមាណ ១,១២៩ ក្បាល ដែលកំពុងរស់នៅក្នុងដែនជម្រកសត្វព្រៃកែវសីមា ខេត្តមណ្ឌលគិរី។
សត្វទោចថ្ពាល់លឿងកើតមកមានរោមពណ៌លឿង ប៉ុន្ដែនៅពេលមានអាយុ ៦ខែ សត្វទោចថ្ពាល់លឿងឈ្មោល នឹងប្រែពណ៌លឿងរហូតដល់ចាស់។ សត្វទោចថ្ពាល់លឿងញី ប្រែមកពណ៌ខ្មៅ ហើយបន្ទាប់មកប្រែទៅជាពណ៌លឿងវិញនៅពេលវាដល់វ័យបន្ដពូជនៅចន្លោះអាយុ ៦-៨ឆ្នាំ។
សត្វទោចថ្ពាល់លឿង ភាគច្រើនរស់នៅក្នុងព្រៃស្រោង និងពាក់កណ្ដាលស្រោងភាគខាងកើតនៃប្រទេសកម្ពុជា ឡាវ និងវៀតណាម។ ដែនជម្រកសត្វព្រៃកែវសីមានៃប្រទេសកម្ពុជា មានសត្វទោចថ្ពាល់លឿងប្រមាណ ១,១៩២ក្បាល ដែលជាចំនួនច្រើនជាងគេបំផុត។
ពេល ១២ ឆ្នាំចុងក្រោយនេះ សត្វទោចថ្ពាល់លឿងក្នុងដែនជម្រកសត្វព្រៃកែវសីមាមានចំនួនថេរ ដែលជាសញ្ញាវិជ្ជមានមួយ។ ប៉ុន្តែសត្វទោចថ្ពាល់លឿងនៅតែទទួលរងការគំរាមកំហែងដោយសារការបំផ្លាញទីជម្រកធម្មជាតិ ការបរបាញ់ដើម្បីយកសាច់បរិភោគ និងធ្វើឱសថបុរាណ និងការចាប់យកមកធ្វើជាសត្វចិញ្ចឹម៕
