ភ្នំពេញ: យុវជន កុយ វណ្ណៈ សិស្សឆ្នើមនៅ អង្គការមូលនីធិកុមារកម្ពុជា ទទួលបានអាហារូបករណ៍ទៅសិក្សាជំនាញសំណង់ស៊ីវិល នៅអាម៉េរិកក្នុងវ័យ ២០ ឆ្នាំ ។
បើតាមការបង្ហោះជាសាធារណៈ បានឱ្យដឹងថាបច្ចុប្បន្ន យុវជន កុយ វណ្ណៈ មានអាយុ ២០ ឆ្នាំ ហើយយុវជនរូបនេះបានចូលរួមជាមួយនឹងអង្គការមូលនីធិកុមារកម្ពុជា តាំងពីឆ្នាំ ២០១០ មកម្ល៉េះ ជាពិសេស ក្នុងរយៈពេលពីរបីខែដំបូង វណ្ណៈបានឈ្នះពានរង្វាន់សិស្សឆ្នើមនៅអង្គការ ដែលបន្តអោយយុវជនរូបនេះ បន្តមានមហិច្ឆតាចង់ទៅរៀននៅបរទេស។
កាលពីថ្មីៗនេះ វណ្ណៈ បានអាហារូបករណ៍ ដើម្បីសិក្សាវិស្វកម្មសំណង់ស៊ីវិលសិក្សានៅ សាកលវិទ្យាល័យអូក្លាហូម៉ា នៅអាម៉េរិក។ សមិទ្ធផលមួយនេះ កើតមានឡើង ដោយសារតែការខិតខំប្រឹងប្រែងរបស់វណ្ណៈ ព្រោះថាពីមុន វណ្ណៈ ក៏ធ្លាប់បានអាហារូបករណ៍ទៅមហាវិទ្យាល័យ Mahindra United World College (UWC) នៅប្រទេសឥណ្ឌា សម្រាប់កម្មវិធីបរិញ្ញាបត្រអន្តរជាតិរយៈពេលពីរឆ្នាំ ហើយនឹងបញ្ចប់ការសិក្សានៅខែក្រោយនេះផងដែរ៕
