សៀមរាប៖ មន្ទីរទេសចរណ៍ខេត្តសៀមរាបបានឱ្យដឹងថា នៅសហគមន៍ទេសចរណ៍វប្បធម៌ធម្មជាតិបឹងពារាំង កំពុងមានវត្តមានសត្វស្លាបជាច្រើនប្រភេទដែលបានមកជ្រក និងមានទីជម្រកនៅទីនេះ។ បឹងពារាំង គឺជាកន្លែងអភិរក្សធនធានជលផល និងត្រីមេពូជនៅក្នុងភូមិសាស្ត្រខេត្តសៀមរាប។
ការអភិរក្សនេះបានផ្តល់ផលល្អសម្រាប់ហ្វូងសត្វស្លាបជាច្រើនដែលត្រូវការស្វែងរកចំណី តំបន់នេះជាទីជម្រកយ៉ាងសុខសាន្តសម្រាប់ទាំងពពួកមច្ឆា និងសត្វស្លាបទាំងឡាយទាំងពួង ។ សហគមន៍ទេសចរណ៍វប្បធម៌ធម្មជាតិបឹងពារាំង ទីតាំងចំងាយប្រមាណ ១៤ គ.ម ពីក្រុងសៀមរាប៕
