![](https://cdn.cc-times.com/kh.cc-times.com/media/46836/large/435762151_905419748048191_8997452126953168622_n.jpg?1712652692)
ព្រះសីហនុ៖ គ្រាប់បែកទម្លាក់ពីលើអាកាសដែលគេស្គាល់ថាជាប្រភេទ MK 82 មានទម្ងន់ប្រហែល ២៣០ គីឡូក្រាម ត្រូវបានអ្នកជំនាញកម្ទេចគ្រាប់របស់អង្គភាពស៊ីម៉ាក់ធ្វើការបន្សាបបានដោយជោគជ័យ កាលពីថ្ងៃទី ៨ ខែមេសា ឆ្នាំ ២០២៤។
គ្រាប់បែកទម្លាក់ពីលើអាកាសដែលគេស្គាល់ថាជាប្រភេទ MK82 ១គ្រាប់ បានកប់ចូលជ្រៅក្នុង រណ្តៅមួយកន្លែងក្បែរមាត់សមុទ្រអស់រយៈពេលជាច្រើនឆ្នាំ មានទីតាំងស្ថិតនៅឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ត្រូវបានអ្នកជំនាញកម្ទេចគ្រាប់របស់អង្គភាពស៊ីម៉ាក់ធ្វើការបន្សាបបានដោយជោគជ័យ កាលពីម្សិលមិញនេះ។
សូមបញ្ជាក់ថា គ្រាប់បែកយន្តហោះប្រភេទ MK82 ដែលមានទម្ងន់ប្រហែល ២៣០ គីឡូក្រាម ត្រូវបានប្រើប្រាស់ដោយយោធាសហរដ្ឋអាម៉េរិក និង បណ្តាប្រទេសដ៏ទៃផ្សេងៗទៀត ហើយត្រូវបានឃើញដាក់ពង្រាយយ៉ាងទូលំទូលាយនៅតំបន់អាស៊ីអាគ្នេយ៍ អំឡុងសង្គ្រាមវៀតណាម៕
![](https://cdn.cc-times.com/kh.cc-times.com/media/46837/large/435674921_905419751381524_3041960070646863376_n.jpg?1712652700)
![](https://cdn.cc-times.com/kh.cc-times.com/media/46838/large/435581150_905419878048178_488569671926301478_n.jpg?1712652711)
![](https://cdn.cc-times.com/kh.cc-times.com/media/46839/large/435683558_905419728048193_2578003115979966081_n.jpg?1712652712)