រុស្សី៖ ក្រសួងការពារជាតិរុស្ស៊ី បានឱ្យដឹងថាទាហានស៊ីឈ្នួលបរទេសជាង ១៣,០០០ នាក់បានចូលរួមក្នុងការធ្វើសង្រ្គាមជួយអ៊ុយក្រែនប្រឆាំងរុស្សី ដែលក្នុងនោះជិត ៦,០០០នាក់បានបាត់បង់ជីវិត។ យោងតាមក្រសួងការពារជាតិរុស្ស៊ីបានចេញផ្សាយព័ត៌មានថ្មីៗអំពីចំនួនទាហានស៊ីឈ្នួលបរទេសដែលត្រូវបានសម្លាប់ក្នុងការជួយច្បាំងឲ្យអ៊ុយក្រែនចាប់តាំងពីខែកុម្ភៈឆ្នាំ ២០២២ ដោយមានយ៉ាងហោចណាស់មានទាហានស៊ីឈ្នួលបរទេសចំនួន ១៣,៣៨៧ នាក់បានធ្វើដំណើរទៅកាន់ប្រទេសអ៊ុយក្រែនដើម្បីប្រយុទ្ធប្រឆាំងជាមួយរុស្សី។
ទិន្នន័យរបស់ក្រសួងបង្ហាញថា ប្រទេសជិតខាងខាងលិចរបស់ប្រទេសអ៊ុយក្រែន គឺប៉ូឡូញ ដែលជាអ្នកគាំទ្រដ៏ខ្លាំងបំផុតមួយរបស់ទីក្រុងគៀវ ក្នុងអំឡុងជម្លោះនោះ បានផ្តល់ចំនួនទាហានស៊ីឈ្នួលច្រើនជាងគេបំផុត រហូតមកដល់ពេលនេះ ដែលមានចំនួន ២,៩៦០ នាក់។ ជាងពាក់កណ្តាលនៃចំនួនទាំងនេះ ជាជនជាតិប៉ូឡូញ ១,៤៩៧ នាក់ ត្រូវបានសម្លាប់ក្នុងអំឡុងពេលមានអរិភាព ហើយសហរដ្ឋអាម៉េរិក ដែលជាអ្នកឧបត្ថម្ភធំ និងជាអ្នកផ្តល់ជំនួយផ្នែកយោធារបស់ទីក្រុងគៀវ បានផ្តល់ឱ្យទាហានស៊ីឈ្នួលប្រមាណ ១,១១៣ នាក់។ យ៉ាងហោចណាស់មានទាហានអាម៉េរិក ៤៩១ នាក់ត្រូវបានសម្លាប់ នេះបើយោងតាមការប៉ាន់ស្មានរបស់យោធារុស្សី៕
.PNG?1718269490)
