ម៉ានីល៖ ហ្វីលីពីននៅថ្ងៃអង្គារ ទី៥ ខែមីនា នេះបានចោទប្រកាន់ឆ្មាំឆ្នេរសមុទ្រចិនថា បានអនុវត្ត "សមយុទ្ធដ៏គ្រោះថ្នាក់" ដែលនាំឱ្យមានការប៉ះទង្គិចគ្នារវាងនាវាឆ្មាំឆ្នេរសមុទ្ររបស់ខ្លួន និងនាវាចិន អំឡុងពេលបេសកកម្មផ្គត់ផ្គង់ឡើងវិញសម្រាប់កងទ័ពហ្វីលីពីន នៅសមុទ្រចិនខាងត្បូង។
អ្នកនាំពាក្យឆ្មាំឆ្នេរសមុទ្រហ្វីលីពីន (PCG) លោក Jay Tarriela បានឲ្យដឹងថា៖ «សកម្មភាពមិនប្រុងប្រយ័ត្ននិងខុសច្បាប់របស់ឆ្នាំសមុទ្រចិននាំឲ្យមានការប៉ះទង្គិចគ្នាជាមួយហ្វីលីពីន ដោយឆ្មាំចិនបាបប៉ះទង្គិចជាមួយនាវា PCG គឺជានាវាមួយក្នុងចំណោមនាវាឆ្មាំឆ្នេរសមុទ្រពីរដែលជួយបេសកកម្មក្នុងការដឹកជញ្ជូនការផ្តល់សម្រាប់កងទ័ពហ្វីលីពីនមួយចំនួនដែលឈរជើងនៅនាវាចម្បាំងដែលទីក្រុងម៉ានីលបានចុះចតនៅលើទីពីរ Thomas Shoal ក្នុងឆ្នាំ ១៩៩៩ ដើម្បីពង្រឹងការទាមទារអធិបតេយ្យភាព។
ជាការឆ្លើយតបឆ្មាំឆ្នេរសមុទ្រចិនបាននិយាយថា កប៉ាល់ហ្វីលីពីនបានចូលទន្ទ្រានដោយខុសច្បាប់ចូលទៅក្នុងដែនទឹកដែលនៅជាប់នឹងច្រាំងថ្មចោទ ដែលចិនហៅថា Renai Reef ដូច្នេះ ខ្លួនត្រូវតែចាត់វិធានការគ្រប់គ្រង និងការពារជាបន្ទាន់។ ឧប្បត្តិហេតុនៅព្រឹកថ្ងៃអង្គារនេះគឺជារឿងថ្មីមួយនៃជម្លោះសមុទ្រជាបន្តបន្ទាប់រវាងហ្វីលីពីន និងចិន ដែលកំពុងជាប់គាំងនៅចិនខាងត្បូង បើទោះបីជាមានសេចក្តីសម្រេចឆ្នាំ ២០១៦ ដោយតុលាការអាជ្ញាកណ្តាលអចិន្ត្រៃយ៍ដែលបានរកឃើញថាការអះអាងរបស់ចិនជុំវិញនៃសិទ្ធកាន់កាប់សមុទ្រចិនខាងត្បូងមិនមានផ្លូវច្បាប់ច្បាស់លាស់ក៏ដោយ។
គួរបញ្ចាក់ថាប្រទេសចិនបានទាមទារស្ទើរតែទាំងស្រុងនូវសមុទ្រចិនខាងត្បូង ដែលរួមមាន Second Thomas Shoal និងបានដាក់ពង្រាយនាវាដើម្បីល្បាតនៅទីនោះ រួមទាំងតំបន់មួយចំនួនជាច្រើនទៀត៕
