ភ្នំពេញ៖ សាលាហ្វូណន រៀបចំកម្មវិធីរាត្រីលង្វែកនឹងប្រព្រឹត្តទៅនៅថ្ងៃទី ២ និង ៣ មីនា ឆ្នាំ២០២៤ នៅផ្ទះលេខ ១០៥០ ផ្លូវ ៣៦៩ ភូមិព្រែកថ្មី សង្កាត់ ព្រែកថ្មី ខណ្ឌច្បារអំពៅ រាជធានីភ្នំពេញ។
បើយោងតាមគេហទំព័រហ្វេសប៊ុករបស់ទិវាបេតិកភណ្ឌបានឱ្យដឹងថា រាត្រីលង្វែកនឹងត្រូវបានប្រព្រឹត្តឡើងនៅថ្ងៃទី ៣ មីនា ឆ្នាំ២០២៤ ដើម្បីជាការអបអរសាទរទិវាវប្បធម៌ជាតិរបស់កម្ពុជាលើកទី២៦ ក្រោមប្រធានបទ យុវជនដើម្បីវប្បធម៌។
បន្ថែមពីនេះ ដើម្បីអបអរសាទរទិវាជាតិមួយនេះ ក្នុងនោះមានការស្លៀកពាក់បុរាណបែបសម័យលង្វែកដែលមានតម្លៃត្រឹម ៥០០០រៀលតែប៉ុណ្ណោះ ការសម្តែងរបាំ ១០០ ឆ្នាំ, ល្ខោនស្បែកធំ ស្បែកតូច , ល្ខោនខោល , គុនល្បុក្កតោ បាញ់ធ្នូបុរាណខ្មែរ និងការតាំងពិពរណ៍ផ្សេងៗទៀតផងដែរ។
កម្មវិធី "រាត្រីលង្វែក" រយះពេលពីរថ្ងៃ គឺនៅសៅរិ៍ទី២ និងអាទិត្យទី៣ ខែមិនា ២០២៤។ ហើយការចូលរួមគឺឥតគិតថ្លៃទេ ។ សម្រាប់ព័ត៌មានបន្ថែម អាចទំនាក់ទំនងទៅកាន់ 096 20 30 240 / 096 39 59 050 ។
គួរបញ្ជាក់ផងដែរថា កម្មវិធីរាត្រីលង្វែកនឹងប្រព្រឹត្តទៅដែលមានទីតាំងនៅសាលាសិល្បៈហ្វូណន នៅផ្ទះលេខ ១០៥០ ផ្លូវ ៣៦៩ ភូមិព្រែកថ្មី សង្កាត់ ព្រែកថ្មី ខណ្ឌច្បារអំពៅ រាជធានីភ្នំពេញ៕
