ភ្នំពេញ៖ រដ្ឋាភិបាលអង់គ្លេស នៅថ្ងៃទី២០កុម្ភៈ បានប្រកាសផ្តល់មូនិធិថ្មីបន្ថែមចំនួន ៣,៨ លានដុល្លារ ដើម្បីបោសសំអាតមីន និងអប់រំសហគមន៍អំពីហានិភ័យដែលពាក់ព័ន្ធនៅប្រទេសកម្ពុជា។
មូលនិធិថ្មីនេះនឹងអនុញ្ញាតឱ្យដៃគូរបស់រដ្ឋាភិបាលអង់គ្លេស មាន អង្គការម៉ែកកម្ពុជា និង អង្គការហេឡូត្រាស្តនៅកម្ពុជា ក្នុងការ៖ ដំណើរការកម្មវិធីអប់រំអំពីការដោះមីន និងការសង្គ្រោះជីវិត និងហានិភ័យនៅក្នុងប្រទេសកម្ពុជា។ រំដោះដីដែលបោសសម្អាតរួច លើកកម្ពស់ការអភិវឌ្ឍសេដ្ឋកិច្ច និងការស្តារជីវភាពរស់នៅ។
ក្រោមកិច្ចសន្យា GMAP3 អង្គការ MAG នឹងផ្តល់ការបោសសំអាត និងកម្ចាត់អាវុធជាតិផ្ទុះ (EOD)នៅក្នុងខេត្តបាត់ដំបង (នៅភាគខាងលិចនៃប្រទេស) ហើយ HALO នឹងផ្តល់ការបោសសំអាតមីន ការអប់រំពីហានិភ័យ និង EOD នៅខេត្តភាគខាងលិចនៃខេត្តបាត់ដំបង ឧត្តរមានជ័យ បន្ទាយមានជ័យ ប៉ៃលិន សៀមរាប ព្រះវិហារ ពោធិ៍សាត់ និងកោះកុង៕
