ភ្នំពេញ៖ ពិព័រណ៍សៀវភៅនឹងចូលរួមរៀបចំទិវាអំណានជាតិលើកទី៩ រយៈពេលបីថ្ងៃពី ថ្ងៃទី ៩ ដល់ ថ្ងៃទី ១១ មីនា ឆ្នាំ២០២៤ នៅ វិទ្យាស្ថានបច្ចេកវិទ្យាកម្ពុជា។
បើយោងតាមការផ្សព្វផ្សាយរបស់គេហទំព័ររបស់ពិព័រណ៍សៀវភៅជាតិ បានឱ្យដឹងថា ឆ្នាំនេះ ទិវាជាតិអំណាន នឹងប្រព្រឹត្តឡើងរយៈពេលបីថ្ងៃនៅ វិទ្យាស្ថានបច្ចេកវិទ្យា (សាលាតិចណូ) ។
ការចូលរួមកម្មិវិធីនេះមិនមានការគិតថ្លៃនោះឡើយ ដែលសិស្សានុសិស្ស យុវជន ឬ មហាជនទូទៅអាចចូលរួមបានដោយសេរី និងអាចទទួលបានដឹងដំណឹងផ្សេងៗពាក់ព័ន្ធនឹងការអាន បូកផ្សំជាមួយនឹងការដាក់បង្ហាញស្តង់ជាច្រើនពាក់ព័ន្ធនឹងការអាន។
គួរបញ្ជាក់ផងដែរថា កម្មវិធីនេះនឹងប្រព្រឹត្តទៅនៅចន្លោះម៉ោង ៨ព្រឹក ដល់ ៨យប់ នៅសាលាតិចណូ ដែលមានទីតាំងស្ថិតនៅលើមហាវិថីសហព័ន្ធរុស្សី៕
