ហ្សេលែនស្គីអញ្ជើញលោកត្រាំទៅទស្សនកិច្ចសង្រ្គាមជួរមុខ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelensky បានអញ្ជើញលោក Donald Trumpឱ្យធ្វើដំណើរជាមួយលោកទៅកាន់សមរភូមិជួរមុខនៃសង្រ្គាមរុស្សី-អ៊ុយក្រែនដើម្បីឱ្យអតីតមេដឹកនាំសហរដ្ឋអាម៉េរិករូបនេះអាចជួបប្រទះ "សង្រ្គាមពិតប្រាកដ" ចៀសជាងបានត្រឹមតែនិយាយមិនដែលឃើញស្ថានភាពជាក់ស្តែង។ នេះបើតាមការអះអាងរបស់លោក ហ្សេលែនស្គី ថ្លែងនៅឯសន្និសិទសន្តិសុខទីក្រុង Munich កាលពីថ្ងៃសៅរ៍។

ថ្លែងក្នុងកិច្ចប្រជុំក្នុងក្រុង Munich លោកហ្សលែនស្គីបានប្រកាសអញ្ជើញចំៗទៅអតីតប្រធានាធិបតីអាម៉េរិក ឲ្យទៅលេងអ៊ុយក្រែហើយលោក និងធ្វើជាអ្នកជូនដំណើរលោកត្រាំដោយផ្ទាល់ទៅកាន់តំបន់សង្រ្គាមជួរមុខ។ ហ្សេលែនស្គីកោះហៅលោកត្រាំបែបនេះ បន្ទាប់ពីលោកត្រាំបានប្រកាសថាត្រឹមតែ ២៤ ម៉ោងប៉ុណ្ណោះប្រសិនបើលោកជាប្រធានាធិបតីអាម៉េរិក លោកអាចនិងអាចបញ្ចប់សង្រ្គាមរុស្សី-អ៊ុយក្រែនដោយជោគជ័យ។ ការអះអាងលោកត្រាំបែបនេះលោក ហ្សេលែនស្គីចាត់ទុកថាគ្រាន់តែជាសំដីដើម្បីទាក់ទាញសម្លេងឆ្នោតតែប៉ុណ្ណោះបើការពិតលោកប្រហែលជាមិនអាចធ្វើបានជោគជ័យឡើយ ព្រោះអ្វីដែលរុស្សីចង់បានគឺលោកមិនអាចឲ្យបានឡើយ៕