ឆ្កែ Bobi the Dog ជាប់កំណត់ត្រាជាសត្វឆ្កែមានអាយុវែងជាងគេរហូតដល់៣១ឆ្នាំ

ព័រទុយហ្កាល់៖ សត្វឆ្កែ Bobi the Dog នៅប្រទេសព័រទុយហ្កាល់បានចុះបញ្ជីក្នុងកំណត់ត្រាពិភពលោក Guinness World of Records ជាសត្វដែលមានអាយុវែងជាងគេក្នុងចំណោមសត្វឆ្កែនៅក្នុងពិភពលោក។ ឆ្កែ Bobiបានស្លាប់ នៅក្នុងខែតុលាក្នុងអាយុ ៣១ ឆ្នាំ ៨ខែ បន្ទាប់ពីបានសាងកិត្តិនាមរបស់វាជាឆ្កែបំបែកឯតទគ្គកម្មជាសត្វឆ្កែដែលមានអាយុវែងជាងគេបំផុតក្នុងពិភពលោក។ Bobiក៏បានបំបែកកំណត់ត្រាឈ្នះសត្វឆ្កែនៅអូស្ត្រាលីមួយដែលបានស្លាប់ក្នុងអាយុ ក្នុងអាយុ ២៩ ឆ្នាំ និង ៥ខែក្នុងឆ្នាំ១៩៣៩។

លោក Miguel Figuereido ដែលជាពេទ្យសត្វនៅទីក្រុង Lisbon បានអះអាងថាសត្វឆ្កែ Bobi the Dog ជាឆ្កែដែលមានអាយុវែងជាងគេបំផុត បានប្រឈមនិងបញ្ហាជាច្រើនរួមទាំងសុខភាពរបស់វាមានភាពខ្សោយជាងមុន។ ម្ចាស់ឆ្កែ Bobi លោក Leonel Costa បានទាក់ទងជាមួយ Guinness World of Records ដើម្បីដាក់ឯកសារទាំងអស់ពាក់ព័ន្ធនឹងសត្វឆ្កែរបស់គាត់ ហើយមួយឆ្នាំក្រោយមក Bobi ត្រូវបានគេចុះឈ្មោះជាផ្លូវការថាជាឆ្កែដែលមានវ័យចំណាស់ជាងគេនៅក្នុងកំណត់ត្រាឯតទគ្គកម្មពិភពលោក៕