រុស្សី៖ ប្រធានាធិបតីរុស្សី លោក វ្ល៉ាឌីមៀ ពូទីន បានចុះហត្ថលេខាលើក្រឹត្យមួយ ដែលអនុញ្ញាតឱ្យជនបរទេស ដែលបានចូលប្រយុទ្ធជាមួយកងទ័ពរុស្សីប្រឆាំងនិងអ៊ុយក្រែនអាចដាក់ពាក្យសុំសញ្ជាតិ រុស្សីបានប្រសិនបើគេបានជួយរុស្សីលើសពីមួយឆ្នាំក្នុងសមរភូមិ។
យោងតាមក្រឹត្យដែលត្រូវបានផ្សព្វផ្សាយនៅលើគេហទំព័ររបស់រដ្ឋាភិបាលរុស្សី ប្តីប្រពន្ធ កូនៗ និងឪពុកម្តាយរបស់ជនបរទេសដែលបម្រើក្នុងជួរកងទ័ពរុស្ស៊ី ក៏នឹងអាចទទួលបានសញ្ជាតិយ៉ាងឆាប់រហ័សផងដែរ។ ការប្រកាសផ្តល់ជូនសញ្ជាតិរបស់លោកពូទីនឥឡូវនេះអាចបង្កើតការលើកទឹកចិត្តសម្រាប់ជនបរទេសដែលមានបទពិសោធន៍យោធាដើម្បីដាក់ពាក្យចូលរួមជាមួយជួរទាហានរុស្សី។
កាលពីខែកញ្ញា គុយបាបានប្រកាសថាខ្លួនបានចាប់ខ្លួនមនុស្ស ១៧ នាក់ពីបទជាប់ពាក់ព័ន្ធក្នុងការជួញដូរមនុស្សជ្រើសរើសយុវជនដើម្បីប្រយុទ្ធចូលរួមប្រយុទ្ធជាមួយរុស្សី។ បីខែក្រោយមក ប៉ូលីសនៅក្នុងប្រទេសនេប៉ាល់បានចាប់ខ្លួនមនុស្សចំនួន ១០ នាក់ ដោយចោទប្រកាន់ថាបានបោកបញ្ឆោតយុវជនដែលគ្មានការងារធ្វើឱ្យចូលរួមក្នុងកងទ័ពរុស្ស៊ី។ កាលពីខែធ្នូកន្លងទៅ ពូទីនបានបញ្ជាឱ្យយោធារុស្សីបង្កើនចំនួនទាហានរបស់ខ្លួនពីជិត ១៧០,០០០ ទៅ ១,៣ លាននាក់សម្រាប់សង្រ្គាមឆ្នាំ ២០២៤ជាមួយអ៊ុយក្រែន៕
