ភ្នំពេញ៖ ក្រសួងវប្បធម៌ នឹងរៀបចំប្រឡងជ្រើសរើសស្នាដៃតែងនិពន្ធប្រលោមលោកខ្នាតខ្លីនិងកំណាព្យរឿង ពានរង្វាន់ព្រះនាងឥន្រ្ទទេវី ឆ្នាំ២០២៤ ក្នុងគោលបំណងថែរក្សា លើកតម្កើង និង ជំរុញវិស័យអក្សរសិល្ប៍អក្សរសាស្ត្រជាតិឱ្យកាន់តែប្រសើរឡើង។ កវីនិពន្ធ និងសាធារណជនដែលមានបំណងចូលរួមប្រឡង សូមបញ្ចូនស្នាដៃតែងនិពន្ធមកនាយកដ្ឋានសៀវភៅនិងការអាន ដាក់ចាប់ពីថ្ងៃនេះ រហូតដល់ថ្ងៃទី៣០ ខែមិថុនា ឆ្នាំ២០២៤ ម៉ោង១៧.០០។
ក្រសួងវប្បធម៌ រៀបចំប្រឡងជ្រើសរើសស្នាដៃតែងនិពន្ធប្រលោមលោកខ្នាតខ្លីនិងកំណាព្យរឿង ពានរង្វាន់ព្រះនាងឥន្រ្ទទេវី ឆ្នាំ២០២៤។ កវីនិពន្ធ និងសាធារណជន ដែលមានឧបនិស្ស័យ និងមានចំណាប់អារម្មណ៍ ក្នុងការតែងនិពន្ធ ហើយមានបំណងចូលរួមប្រឡង សូមបញ្ចូនស្នាដៃតែងនិពន្ធមកដាក់ចាប់ពីថ្ងៃជូនដំណឹងនេះ រហូតដល់ថ្ងៃទី៣០ ខែមិថុនា ឆ្នាំ២០២៤ ម៉ោង១៧.០០។ អាសយដ្ឋានទទួលស្នាដៃប្រឡងនៅនាយកដ្ឋានសៀវភៅនិងការអាន អគារលេខ៤៤ ផ្លូវសម្តេចប៉ាន ឬផ្ញើតាមរយៈ Telegram: កញ្ញា ញឹក ថារី (០១២ ៨០១ ១២២), លោក សំអាត សិលា (០៧៨ ៦៦៨ ៩៧៧), លោក គុក រស់ (០១១ ៨៥០ ០៩៤) ។
សូមជម្រាបថា ជយលាភី និងរង្វាន់កិត្តិយសស្នាដៃតែងនិពន្ធ ដែលជាប់ជយលាភីនិងរង្វាន់កិត្តិយស គឺជ័យលាភីលេខ១-៣ (ប្រលោមលោក៣រូបនិងកំណាព្យរឿង៣រូប) ទទួលបានពានរង្វាន់១និងអមដោយទឹកប្រាក់ និង រង្វាន់កិត្តិយសលេខ៤-៥ (ប្រលោមលោក២រូបនិងកំណាព្យរឿង២រូប) ទទួលបានបណ្ណសរសើរ១និងអមដោយទឹកប្រាក់៕
