ចិន៖ ចិនបានចោទប្រកាន់ហ្វីលីពីន នាថ្ងៃទី ២៥ ធ្នូនេះថា បានរំលោភបំពានលើទឹកដីរបស់ចិនក្នុងបញ្ហាសមុទ្រចិនខាងត្បូងម្តងហើយម្តងទៀត ចិនបានអះអាងថាហ្វីលីពីនផ្សព្វផ្សាយព័ត៌មានមិនពិត និងបានឃុបឃិតជាមួយកងកម្លាំងក្រៅដើម្បីបង្កបញ្ហា។
រដ្ឋមន្ត្រីការបរទេសចិនលោក Wang Yi បាននិយាយកាលពីសប្តាហ៍មុនថា ក្នុងជម្លោះជាមួយហ្វីលីពីននឹងនាំមកនូវការឆ្លើយតបយ៉ាងម៉ឺងម៉ាត់ពីប្រទេសចិន ហើយបានអំពាវនាវឱ្យប្រទេសហ្វីលីពីនត្រូវមានការសន្ទនាដើម្បីដោះស្រាយបញ្ហា។ ប្រទេសចិនបានសម្តែងការខឹងសម្បារចំពោះសហរដ្ឋអាម៉េរិកក្នុងខែនេះ ចំពោះការបញ្ជូននាវាកងទ័ពជើងទឹកចូលទៅក្នុងដែនទឹកក្បែរតំបន់ជម្លោះដែលចិន និងហ្វីលីពីនមានការប្រឈមមុខដាក់គ្នាលើដែនសមុទ្រជាច្រើនដង។
ហ្វីលីពីនបានពឹងផ្អែកលើការគាំទ្ររបស់សហរដ្ឋអាម៉េរិក ដើម្បីបន្តបង្កបញ្ហាជាមួយចិន ដោយធ្វើឱ្យប៉ះពាល់យ៉ាងធ្ងន់ធ្ងរដល់សន្តិភាព និងស្ថិរភាពក្នុងតំបន់។ ភាពតានតឹងរវាងទីក្រុងប៉េកាំង និងទីក្រុងម៉ានីលបានកើនឡើងក្នុងប៉ុន្មានខែថ្មីៗនេះ ខណៈដែលភាគីទាំងពីរមានការចោទប្រកាន់ពាណិជ្ជកម្មជុំវិញជម្លោះនៅក្នុងសមុទ្រចិនខាងត្បូង រួមទាំងការចោទប្រកាន់ថាចិនបានវាយលុកកប៉ាល់ហ្វីលីពីនកាលពីដើមខែនេះ៕
