![](https://cdn.cc-times.com/kh.cc-times.com/media/41164/large/335152121_217441554134140_478302012763669904_n.jpg?1701851529)
ភ្នំពេញ៖ ពិព័រណ៍សៀវភៅកម្ពុជាលើកទី១០ ក្នុងឆ្នាំ២០២៣នេះ នឹងប្រព្រឹត្តទៅនៅថ្ងៃ១៤ រហូតដល់ ថ្ងៃទី១៧ ខែធ្នូ ខាងមុខនេះ នៅសួនច្បារខាងមុខសាលបុរីកោះពេជ្រ ចាប់ពីម៉ោង ៨:០០ព្រឹក ដល់ម៉ោង ៨:០០យប់ ដែលប្រារព្ធក្រោមប្រធានបទ «សរសេរចំណាន អានចំណាប់ ចាប់យកចំណេះ» ។
![](https://cdn.cc-times.com/kh.cc-times.com/media/41165/large/335263870_518410957113893_7239742325454098450_n.jpg?1701851546)
បើតាមការផ្សាយបន្តផ្ទាល់នៃគេហទំព័រហ្វេសប៊ុករបស់ក្រុមការងារពិព័រណ៍សៀវភៅកម្ពុជាបានឱ្យដឹងថា ពិព័រណ៍សៀវភៅកម្ពុជាលើកទី១០ ក្នុងឆ្នាំ២០២៣នេះ នឹងប្រព្រឹត្តទៅនៅថ្ងៃ១៤ រហូតដល់ ថ្ងៃទី១៧ ខែធ្នូ ដែលមានការចូលរួមរហូតដល់ ២២៩ស្តង់ ដោយសំណាក់គ្រឹះស្ថានបោះពុម្ពផ្សាយ និងអ្នកនិពន្ធល្បីៗជាច្រើន រហូតដល់ ១៥២ ស្ថាប័ន។
![](https://cdn.cc-times.com/kh.cc-times.com/media/41166/large/335214504_1340705219836607_3541341260340595659_n.jpg?1701851554)
បន្ថែមពីនេះ ប្រភេទសៀវភៅមានគ្រប់ប្រភេទដែលបានដាក់តាំងលក់តាមស្ដង់នីមួយៗ មានដូចជា សៀវភៅបែបប្រលោមលោក សៀវភៅទស្សនវិជ្ជានិងចិត្តវិទ្យា សៀវភៅសម្រាប់កុមារ សៀវភៅប្រវត្តិសាស្រ្ត ចំណេះដឹងទូទៅ និងវប្បធម៌ជាដើម ដែលនឹងមានការបញ្ចុះតម្លៃពិសេសនិងមានការចែកជូនសៀវភៅដោយឥតគិតថ្លៃ ព្រមទាំងកាដូពិសេសៗផងដែរ។
![](https://cdn.cc-times.com/kh.cc-times.com/media/41167/large/335422102_140998545295558_1643895610029122286_n.jpg?1701851561)
ដូចនឹងឆ្នាំផ្សេងៗកន្លងមក ពិព័រណ៍សៀវភៅកម្ពុជាមិនត្រឹមតែមានការដាក់ស្តង់សៀវភៅនោះទេ ថែមទាំងមានជាការរៀបចំសកម្មភាពផ្សេងៗដូចជាការលេងល្បែងកំសាន្ត ការប្រគំតន្ត្រី ដែលចូលរួមសម្ដែងដោយតារា ចម្រៀងល្បីៗ។ បន្ថែមពីលើនោះទៀត អ្នកចូលរួមអាចមកទិញសៀវភៅផង ជួបជាមួយអ្នកនិពន្ធផ្ទាល់ ជាវវត្ថុអនុស្សាវរីយ៍ជាមួយនឹងក្រុមការងារ និងបានថតរូបលេងកម្សាន្តផងដែរ៕
![](https://cdn.cc-times.com/kh.cc-times.com/media/41168/large/335284560_212472538106353_5739500196565512327_n.jpg?1701851570)
![](https://cdn.cc-times.com/kh.cc-times.com/media/41169/large/335393984_1650178202062350_3767664536927949445_n.jpg?1701851594)
![](https://cdn.cc-times.com/kh.cc-times.com/media/41170/large/336005284_2213298772192878_4280417881773539611_n.jpg?1701851602)
![](https://cdn.cc-times.com/kh.cc-times.com/media/41171/large/335432152_1232960123987282_3658977442219061436_n.jpg?1701851610)