Website cc time banner  05012024 (1)
Img 0571

សិស្សវិទ្យាល័យ ឡាំ លីគាវ បង្កើតកម្មវិធីជជែកដេញដោល CLDO រដូវកាលទី១នៅខែធ្នូ

យុវជន
/
អ្នកយកព័ត៌មាន:
គ្រី លីតា
/

ភ្នំពេញ៖ សិស្សវិទ្យាល័យ ឡាំ លីគាវ បានបង្កើតកម្មវិធីជជែកដេញដោល Cambodian Debate League – Open (CLDO) ដើម្បីលើកកម្ពស់ការជជែកដេញដោលនៅកម្ពុជាឱ្យកាន់តែមានវិសាលភាពបន្ថែមទៀត ដែលនឹងប្រព្រឹត្តទៅជាលើកដំបូងនៅខែធ្នូ ឆ្នាំ២០២៣។

បើតាមក្រុមការងារនៃ CLDO បានថ្លែងប្រាប់ស៊ីស៊ីថាមស៍ថា កម្មវិធីនេះត្រូវបានបង្កើតឡើងដោយឆន្ទៈក្នុងការពង្រឹងសមត្ថភាពយុវជនក្នុងការជជែកដេញដោលឱ្យកាន់តែមានភាពប្រសើរឡើង ដោយមានការឡើងប្រកួត និងវាយតម្លៃពីគណៈកម្មការដែលមានបទពិសោធន៍ច្រើនក្នុងការនិយាយ និងចំណេះដឹងដើម្បីធ្វើការវាយតម្លៃបេក្ខជននិងផ្តល់មតិស្ថាបនាសម្រាប់យុវជនបានច្រើនក្នុងការអភិវឌ្ឍសមត្ថភាពរបស់ខ្លួនបន្តទៀត។

ការប្រកួតប្រជែងនេះនឹងបើកឡើងសម្រាប់ប្អូនៗដែលទើបតែប្រឡូកក្នុងការជជែកដេញដោលលើកដំបូង ហើយនឹងប្រព្រឹត្តទៅនៅពេលចុងសប្តាហ៍ដែលមិនប៉ះពាល់លើកាលវិភាគសិក្សារបស់សិស្សនោះឡើយ។ ដែលគោលបំណងនៃការបង្កេីត Cambodian Debate League មាន ២

1. បរិច្ចាគជូនជនក្រីក្រ

2. ដើម្បីរៃអង្គាសប្រាក់សម្រាប់ក្រុមជម្រើសជាតិ Debate WSDC 2024 នៅប្រទេសSerbia

កម្មវិធីនេះនឹងប្រកួតចំនួន៣ជុំ ដែលមានដូចជា quarter finals វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ដែលក្នុងជុំនីមួយៗ សិស្សនឹងត្រូវជជែកលើប្រធានបទផ្សេងៗគ្នា ដែលអាចជម្រុញឱ្យសិស្សអាចបង្កើនសមត្ថភាពក្នុងការស្រាវជ្រាវ និងពង្រីកនូវវិសាលភាពចំណេះដឹងរបស់ខខ្លួនបន្ថែមពីលើសមត្ថភាពដែលខ្លួនមានស្រាប់។

ការជជែកដេញដោលនេះនឹងប្រព្រឹត្តទៅនៃថ្ងៃទី ២ និងទី៣ ខែ ធ្នូ ដែលមានការចូលរួមពីសិស្សដែលមានអាយុ ១៣ ឆ្នាំឡើងទៅ រហូតដល់និស្សិត មានឆន្ទៈក្នុងការជជែកដេញដោល ហើយក្រោយចប់ការប្រកួត បេក្ខជននឹងទទួលបានលិខិតបញ្ជាក់ពីការចូលរួមផងដែរ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង