![](https://cdn.cc-times.com/kh.cc-times.com/media/40684/large/352988871_648259637327463_3069173307205118651_n_(2).jpg?1700797332)
ភ្នំពេញ៖ វិសាលស្ណុ ដែលបានជាប់ជ័យលាភីសិស្សពូកែគណិតទូទាំងប្រទេសប្រចាំឆ្នាំសិក្សា ២០២២ ២០២៣ នៅតែអាចចាប់យកនិទ្ទេស A ទោះមានការមមាញឹកចូលរួមកម្មវិធីប្រកួតផ្សេងៗទាំងក្នុងស្រុក និងក្រៅស្រុកដើម្បីតំណាងប្រទេសកម្ពុជានៅឆាកអន្តរជាតិ។
![](https://cdn.cc-times.com/kh.cc-times.com/media/40685/large/photo_2023-03-22_15-30-33.jpg?1700797341)
យុវជន រិទ្ធ នីវិសាលស្ណុ ជាសិស្សថ្នាក់ទី១២ មកពីវិទ្យាល័យឫស្សីកែវ ជាយុវជនម្នាក់ដែលមានភាពសកម្មក្នុងការប្រកួតប្រជែង និងការសិក្សារៀនសូត្រ។ យុវជនរូបនេះ ធ្លាប់បានពានរង្វាន់ជាច្រើនពាក់ព័ន្ធនឹងការប្រឡងគណិតវិទ្យា លំដាប់អន្តរជាតិ។
![](https://cdn.cc-times.com/kh.cc-times.com/media/40690/large/395568211_236605739425796_542750474960601973_n.jpg?1700797564)
កាលពីថ្មីៗនេះ វិសាលស្ណុ បានចូលរួមការប្រកួតប្រជែងក្នុងកម្មវិធីបញ្ញវ័ន្តឌីជីថល រហូតឈានមកដល់វគ្គផ្តាច់ព្រ័ត្រ ដែលបានបញ្ចប់មុនថ្ងៃប្រឡងបាក់ឌុបតែប៉ុន្មានថ្ងៃប៉ុណ្ណោះ ដែលបានសបញ្ជាក់ឱ្យឃើញថា យុវជនរូបនេះ មិនត្រឹមតែមានការខិតខំក្នុងការរៀនសូត្រនៅថ្នាក់រៀនប៉ុណ្ណោះទេ ថែមទាំងព្យាយាមចូលប្រឡូកក្នុងសង្គមបានយ៉ាងច្រើន ដើម្បីជាការលើកមុខមាត់ប្រទេសកម្ពុជាទៅកាន់ឆាកអន្តរជាតិ។
![](https://cdn.cc-times.com/kh.cc-times.com/media/40687/large/399782901_24097297003250907_162124400414812909_n.jpg?1700797403)
បើយោងតាមបទសម្ភាសដែលវិសាលស្ណុជាមួយនឹងកម្មវិធីបញ្ញវ័ន្តឌីជីថល បានឱ្យដឹងថា យុវជនរូបនេះធំធាត់ឡើងនៅរាជធានីភ្នំពេញ ហើយមានការស្រលាញ់ការសិក្សាគណិតវិទ្យាតាំងពីយូរមកម្ល៉េះ។ បន្ថែមពីនេះ វិសាលស្ណុ ជាបេក្ខជនឆ្នើមមួយរូបក្នុងបេក្ខជនឆ្នើម៦រូបផ្សេងទៀត ទទួលបានឱកាសទៅទស្សនកិច្ចនៅប្រទេសសិង្ហបុរី និងទទួលបានអាហារូបករណ៍នៅសាលាដ៏ល្បីមួយនៅកម្ពុជាផងដែរ។
![](https://cdn.cc-times.com/kh.cc-times.com/media/40689/large/405132440_3721066211480332_6916008218777434545_n.jpg?1700797430)
គួរបញ្ជាក់ផងដែរថា មុនចេញលទ្ធផលបាក់ឌុបប៉ុន្មានថ្ងៃនេះ វិសាលស្ណុ ក៏បានចូលរួមកម្មវិធីមួយនៅប្រទេសឥណ្ឌូនេស៊ីផងដែរ៕