ភ្នំពេញ៖ ក្រសួងអប់រំ នៅថ្ងៃទី ២០ វិច្ចកា បានចេញសេចក្ដីជូនដំណឹង អំពីការប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) នឹងប្រកាសនៅរសៀលថ្ងៃទី ២៣ ខែវិច្ឆិកា សម្រាប់ រាជធានីភ្នំពេញ និងខេត្តកណ្ដាល។ ចំពោះនៅតាមបណ្ដាលខេត្តដទៃទៀត នឹងប្រកាសលទ្ធផល នៅថ្ងៃទី ២៤ ខែវិច្ឆិកា ឆ្នាំ២០២៣។
យោងតាមក្រសួងអប់រំ យុវជន និងកីឡា បានចេញសេចក្ដីជូនដំណឹង អំពីការប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) សម័យប្រឡង ៦ វិច្ចកា ឆ្នាំ២០២៣ នៅភ្នំពេញ និងខេត្តកណ្ដាល នឹងប្រកាសលទ្ធផល នៅរសៀលថ្ងៃទី ២៣ ខែវិច្ឆិកា ចាប់ពីម៉ោង ១៥ៈ០០នាទី និងនៅតាមបណ្ដលខេត្តដទៃទៀត នឹងប្រកាសលទ្ធផល នៅថ្ងៃទី ២៤ ខែវិច្ឆិកា ឆ្នាំ២០២៣។ ហើយចំពោះការបើកស្រោមបញ្ជីវិញ្ញាប្រកាសលទ្ធផលប្រឡង នឹងធ្វើឡើងនៅតាមមណ្ឌលសំណេររៀងៗខ្លួន ដោយមានការចូលរួមពីនាយក នាយិការគ្រឹះស្ថានសិក្សានៅតាមមណ្ឌលប្រឡង តំណាងឲ្យការរិយាល័យក្រសួងអប់រំ យុវជន និងកីឡា នៃរដ្ឋបាល ក្រុង ស្រុក ខណ្ឌដែលមានមណ្ឌលប្រឡង។
គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) បានប្រព្រឹត្តទៅកាលពីថ្ងៃទី ៦-៧ ខែវិច្ចកា ដោយការប្រឡងប្រព្រឹត្តទៅយ៉ាងរលូន នឹងមានរបៀបរាប់រយត្រឹមត្រូវស្របតាមការកំណត់របស់ក្រសួងអប់រំ យុវជន និងកីឡា៕
