ចិន៖ក្រុមហ៊ុនផលិតប្រេង និង ឧស្ម័ន ឈានមុខគេនៅក្នុងប្រទេសចិន នៅថ្ងៃទី ១៤ វិច្ឆិកានេះ បានប្រកាសចាប់ផ្តើមដំណើរការនៃគម្រោងអភិវឌ្ឍន៍ដំណាក់កាលទី១ នៃតំបន់ឧស្ម័នដំបូងដែលមានទុនបម្រុងរំពឹងទុកចំនួន ១០០ ពាន់លានម៉ែត្រគូបនៅក្នុងសមុទ្រ Bohai ភាគឦសានប្រទេសចិន។គម្រោងយក្សនេះមានជម្រៅប្រមាណជាង៥០០០ម៉ែត្រដល់បាតសមុទ្រដែលទាមទារប្រើប្រាស់បច្ចេកវិទ្យាច្រើន។
ការអភិវឌ្ឍន៍ដ៏សំខាន់នៃគម្រោងតំបន់ឧស្ម័នយក្សរបស់ចិននៅពេលនេះ ត្រូវបានរដ្ឋាភិបាលចិនបង្ហាញពីការឈានទៅមុខបន្ថែមទៀតក្នុងការអភិវឌ្ឍន៍បច្ចេកវិទ្យាខួងអណ្តូងទឹកជ្រៅរបស់ប្រទេស និង ជារបកគំហើញថ្មីមួយនៅក្នុង ការអភិវឌ្ឍនៃអាងស្តុកទឹកកប់ភ្នំជ្រៅ និង ស្មុគស្មាញ។ ភាពជោគជ័យនៃគម្រោងនេះ ចិនចាត់ទុកថា គឺមានសារៈសំខាន់យ៉ាងខ្លាំងក្នុងការធានាបាននូវសន្តិសុខថាមពលជាតិ និង ធ្វើឱ្យរចនាសម្ព័ន្ធថាមពលរបស់ប្រទេសនេះប្រសើរឡើង។
អាងស្តុកប្រេង និង ឧស្ម័ននៃតំបន់ឧស្ម័ន Bohai Sea 19-6 នេះ គឺកប់ក្នុងជម្រៅជាង ៥០០០ ម៉ែត្រ ត្រូវបានចែកចាយយ៉ាងទូលំទូលាយ តែទាមទារឱ្យមានតម្រូវការខ្លាំងសម្រាប់បច្ចេកវិទ្យាខួង។ក្នុងអំឡុងពេលនៃដំណើរការអភិវឌ្ឍគម្រោង ការអនុវត្តប្រកបដោយភាពច្នៃប្រឌិតនៃបច្ចេកវិទ្យាខួងយករ៉ែថ្មី ៗ ដែលត្រូវការបទពិសោធន៍ច្រើន ដើម្បីធ្វើឱ្យប្រសើរឡើងនាពេលអនាគតនៃប្រតិបត្តិការខួង។
ជាមួយដាក់ឱ្យដំណើរការ អណ្តូងឧស្ម័នចំនួន៣ទៀត ក៏ត្រូវបានសាងសង់នៅក្នុងការប្រតិបត្តិនៃគម្រោងនេះ ដោយជម្រៅអណ្តូងជាមធ្យមគឺ ជិត៦០០០ ម៉ែត្រ។ហើយបច្ចុប្បន្ន ក្រុមហ៊ុនផលិត និងផ្គត់ផ្គង់ប្រេង និងឧស្ម័នដ៏ធំបំផុតរបស់ប្រទេសចិន និងសាជីវកម្ម Petrochemical Corporation ជាអ្នកផ្គត់ផ្គង់ផលិតផលគីមីដ៏ធំបំផុតនៅក្នុងប្រទេស កំពុងខិតខំប្រឹងប្រែងរួមគ្នា ដើម្បីសម្រេចតាមផែនការនៃគម្រោងពេញលេញ៕
