ភ្នំពេញ៖ Team2 សហការជាមួយនឹង Next Level Entertainment ដើម្បីរៀបចំព្រឹត្តិការណ៍តាំងពិព័រណ៍បច្ចេកវិទ្យា, Anime, និង ហ្គេមដ៏ធំនៅកម្ពុជា នៅថ្ងៃទី ៣ ដល់ ថ្ងៃទី ៥ វិច្ឆិកា ឆ្នាំ២០២៣ នៅទីតាំងផ្សារទំនើប Olympia ជាន់ផ្ទាល់ដី។
តាមរយៈព្រឹត្តិការណ៍នេះអ្នកចូលរួមនឹងទទួលបានបទពិសោធន៍បច្ចេកវិទ្យា និងហ្គេមដ៏ទំនើបបំផុត ហើយភ្ជាប់ទំនាក់ទំនងជាមួយអ្នកជំនាញផ្សេងៗ ជជែកជាមួយតារាល្បីៗ និងអ្នកមានឥទ្ធិពលដូចជា pingtothemoon ចូលរួមសកម្មភាព និងការប្រកួតដ៏អស្ចារ្យ រួមជាមួយការឈ្នះរង្វាន់ឡូយៗជាច្រើន បានញ៉ាំអាហារ និងភេសជ្ជៈដ៏ឈ្ងុយឆ្ងាញ់ពីហាងល្បីៗ។
ពិព័រណ៍បច្ចេកវិទ្យា គំនូរជីវចល Anime និងហ្គេមនឹងមានវត្តមាននៅទីនោះ បូកផ្សំជាមួយនឹងការដាក់តាំងបង្ហាញឧបករណ៍បច្ចេកវិទ្យាទំនើបៗ anime ថ្មីៗ និងការដាក់តាំងតុក្កតាដ៏ស្រស់ស្អាត មានទាំងការលេងហ្គេមដែលញាំងឲ្យបរិយាយកាន់តែមានភាពសប្បាយរីករាយ។ លើសពីនេះទៀត! សម្រាប់អ្នកចូលចិត្ត Anime និង Otakus កន្លែងនេះដឹងតែចាប់ចិត្តតែម្តង។
ដើម្បីចូលរួម TAG អ្នកអាចទិញសំបុត្ររបស់អ្នកតាមកម្មវិធីទូរស័ព្ទ ឬនៅទីកន្លែងព្រឹត្តិការណ៍ផ្ទាល់ដែលសំបុត្រមានបីប្រភេទ៖ សំបុត្រធម្មតា (2$ ក្នុងមួយថ្ងៃ និង ៥ ដុល្លារ សម្រាប់រយៈពេល ៣ ថ្ងៃ) សំបុត្រ VIP (15$ Pass មានសុពលភាព 3 ថ្ងៃ និងទទួលបានកញ្ចប់អនុស្សាវរីយ៍ ដែលមានតម្លៃច្រើនជាង $30) និងសំបុត្រ Meet and Greet ( សម្រាប់ការណាត់ជួបជាមួយ Cosplayer៖ 15$) ដែលអាចទិញតាមរយៈ LIVE. by Wonderpass Nham24 ឬ WOWNOW ។
គួរបញ្ជាក់ផងដែរថា TAG (Tech, Anime, Game) ជាព្រឹត្តិការណ៍តាំងពិព័រណ៍ដំបូងគេបង្អស់ក្នុងប្រទេសកម្ពុជា ដោយបាននាំយកសហគមន៍បច្ចេកវិទ្យា Anime និងហ្គេម ក្នុងវេទិកាដ៏អស្ចារ្យមួយសម្រាប់ អ្នកបង្កើតហ្គេម អ្នកលេងហ្គេម អ្នកចូលចិត្តឧបករណ៍បច្ចេកវិទ្យា និងអ្នកចូលចិត្តគំនូរជីវចល Anime ឬជា Weeb៕
