ភ្នំពេញ៖ ក្រសួងវប្បធម៌ កាលពីឆ្នាំ២០២២ កន្លងទៅ បានអនុញ្ញាតឱ្យក្រុមហ៊ុន Hollywood ថតខ្សែភាពយន្ដខ្នាតវែងមានចំណងជើងថា The Creator នៅទឹកដីកំពង់ភ្លុក និងប្រាសាទមួយចំនួនក្នុងខេត្តសៀមរាប។
ភាពយន្តខ្នាតវែងមានចំណងជើងថា The Creator របស់ Hollywood ដែលជាភាពយន្តល្បីនិងបានចាក់បញ្ចាំងនៅរោងភាពយន្តនានាទូទាំងពិភពលោក ត្រូវបានក្រសួងវប្បធម៌ និងដោយមានការសម្របសម្រួលពីអាជ្ញាធរពាក់ព័ន្ធ អនុញ្ញាតឱ្យថតនៅទឹកដីកំពង់ភ្លុក និងប្រាសាទមួយចំនួនក្នុងខេត្តសៀមរាប។
ខ្សែភាពយន្ដខ្នាតវែង The Creator ដែលជាភាពយន្តបែបវិទ្យាសាស្ត្ររបស់អាម៉េរិក ត្រូវបានផលិតនិងដឹកនាំដោយលោក Gareth Edwards។ ភាពយន្តនេះ មានការចូលរួមសម្តែងពីតារាភាពយន្តល្បីៗមួយចំនួន ក្នុងនោះមានតួក្មេងស្រីសំខាន់ម្នាក់ អាយុ៩ឆ្នាំ គឺជាកូនកាត់ខ្មែរ។
សូមបញ្ជាក់ថា The Creator ត្រូវបានចាប់ផ្តើមចាក់បញ្ចាំងកាលពីថ្ងៃទី២៩ ខែកញ្ញា ឆ្នាំ២០២៣ ហើយត្រឹមតែថ្ងៃទី០៥ ខែតុលានេះ ភាពយន្តនេះទទួលបានចំណូលពីការចាក់បញ្ចាំងទូទាំងពិភពលោករហូតដល់ ៣៧លានដុល្លារសហរដ្ឋអាម៉េរិក៕
