បាត់ដំបង៖ ស្ថានភាពទឹកនៅក្នុងក្រុងបាត់ដំបង កំពុងជន់ឡើងនៅក្នុងដងស្ទឹងសង្កែ និងបានលិចតំបន់ទំនាបមួយចំនួននៅក្នុងក្រុងបាត់ដំបង ដោយសារជំនន់ទឹកភ្លៀងផ្នែកខាងលើមួយរយៈចុងក្រោយនេះ ។
លោក សុខ លូ អភិបាលខេត្តបាត់ដំបង បានអំពាវនាវដល់ប្រជាពលរដ្ឋដែលរស់នៅតាមបណ្ដោយដងស្ទឹងសង្កែ សូមប្រុងប្រយ័ត្នឱ្យបានខ្ពស់ ដើម្បីចៀសវាងគ្រោះថ្នាក់ជាយថាហេតុណាមួយ ក្នុងអំឡុងពេលដែលទឹកកំពុងឡើងនាពេលនេះ ។
រដ្ឋបាលខេត្តបាត់ដំបង ចេញសេចក្ដីប្រកាសឱ្យត្រៀមបង្ការគ្រោះមហន្តរាយទឹកជំនន់ និងត្រៀមជម្លៀស ប្រជាពលរដ្ឋទៅទីទួលសុវត្ថិភាព។
