ក្រសួងសុខាភិបាល សម្រេចបិទក្រុមហ៊ុន គ្រួសារកក់ក្តៅ ក្រោយមិនគោរពតាមការណែនាំរបស់ក្រសួង

ភ្នំពេញ៖ ក្រសួងសុខាភិបាល នាថ្ងៃទិ២៤ កញ្ញា នេះ សេចក្តីជូនព័ត៌មាន ស្តីពីការបិទគ្រឹះស្ថានអាហរ័ណ នីហរ័ណឱសថ គ្រួសារកក់ក្តៅ ឯ.ក ក្រោយក្រោយពិនិត្យឃើញថាគ្រឹះស្ថាននេះ មិនគោរពតាមតាមការណែនាំរបស់ក្រសួងសុខាភិបាល ស្តីពីការលុបលេខបញ្ញិកា ផលិតផលបំប៉នសុខភាព GINSENG PRO B/Bott./30 Caps. និង GINSENG PRO B/Bott./60Caps ដែលមាផ្ទុកសារធាតុ បង្កឱ្យមានផលប៉ះពាល់សុខភាពធ្ងន់ធ្ងរ។

ក្រសួងសុខាភិបាល សម្រេចបិទគ្រឹះស្ថានអាហរ័ណ នីហរ័ណឱសថ គ្រួសារកក់ក្តៅ ឯ.ក ក្រោយពិនិត្យឃើញថាគ្រឹះស្ថាននេះមិនបានគោរពនិងអនុវត្តតាមក្រសួងសុខាភិបាលស្តីពីការលុបលេខបញ្ញិកា ផលិតផលបំប៉នសុខភាព GINSENG PRO B/Bott./30 Caps. និង GINSENG PRO B/Bott./60Caps មានផ្ទុកសារធាតុ DEXAMETHASONE និង PREDNISOLONE ព្រមទាំងពុំបានគោរព និងអនុវត្តតាមខ្លឹមសារនៃកិច្ចសន្យារបស់គ្រឹះស្ថានចុះថ្ងៃទី២១ ខែសីហា ឆ្នាំ២០២៣ និងកិច្ចសន្យាចុះថ្ងៃទី០៥ ខែកញ្ញា ឆ្នាំ២០២៣។

សូមបញ្ជាក់ថា ការប្រើប្រាស់ផលិតផលបំប៉នសុខភាព GINSENG PRO ដែលមានផ្ទុក សារជាតិសកម្ម DEXAMEIHASONE និង PREDNISOLONE មិនត្រឹមត្រូវតាមរូបមន្តដែលកំណត់លើ ផលិតផលដែលបានចុះបញ្ញិកានៅក្រសួងសុខាភិបាល ដែលអាចបណ្តាលឱ្យមានគ្រោះថ្នាក់ធ្ងន់ធ្ងរដល់ អ្នកប្រើប្រាស់រយៈពេលយូរ ដូចជាប៉ះពាល់ប្រព័ន្ធរំលាយអាហារ អាចដំបៅឬធ្លាយក្រពះ ខ្សោយតម្រង នោម លើសឈាម ទឹកនោមផ្អែម ខ្សោយប្រព័ន្ធភាពស៊ាំសារពាង្គកាយ ជាដើម៕